ജനതാപാര്‍ട്ടികളുടെ ലയനം,വിരേന്ദ്രകുമാര്‍ ഇടതുപക്ഷത്തേക്ക്‌

കോഴിക്കോട്:ബീഹാറില്‍ നിതീഷ്‌കുമാറിന്റെ നേതൃത്വത്തില്‍ ഒരു വിഭാഗം ജെഡിയു എന്‍ഡിഎയിലേക്ക് ചേക്കേറിയതോടെ ബാക്കിവരുന്ന ജെഡിയു-ജെഡിഎസ് കക്ഷികള്‍ ലയിനത്തിനൊരുങ്ങുന്നു.നിതീഷ് കുമാറിന്റെ എം പിയായി തുടരുന്നില്ലെന്ന് എം പി വീരേന്ദ്രകുമാര്‍ വ്യക്തമാക്കിയതോടെയാണ് പുതിയ രാഷ്ട്രീയ കൂടിച്ചേരലിന് കളമൊരുങ്ങുന്നത്.എന്നാല്‍ വീരന്‍ ഇടതുപക്ഷത്തേക്ക് പോകുമെന്ന് വ്യക്തമാക്കിയിട്ടില്ല.ഇതുസബന്ധിച്ച് ഉന്നത തല രാഷ്ട്രീയ ചര്‍ച്ചകളൊന്നും നടന്നിട്ടില്ലെന്നാണ് വീരേന്ദ്രകുമാറിന്റെ നിലപാട്.എംപി സ്ഥാനം രാജിവെച്ചശേഷം പഴയ സോഷ്യലിസ്റ്റ് ജനത(എസ്‌ജെഡി)പുനരുജ്ജീവിപ്പിക്കാനാണ് നീക്കം

മാത്യു ടി തോമസുമായി ആശയവിനിമയം നടത്തിയിട്ടില്ല. കൃഷ്ണന്‍കുട്ടി, നാണു എന്നിവരുമായി ചര്‍ച്ച നടത്തിയെന്നും, ജെഡിയു സംസ്ഥാന സമിതിക്ക് ശേഷമാണ് തീരുമാനങ്ങളെല്ലാം എടുക്കുന്നതെന്നും വീരേന്ദ്രകുമാര്‍ വ്യക്തമാക്കി.

എന്നാല്‍ ജെഡിയു-ജെഡിഎസ് ലയനം വൈകാതെ ഉണ്ടാകുമെന്നാണ് സൂചന. ലയനത്തിന്റെ ഭാഗമായി പഴയ സോഷ്യലിസ്റ്റ് ജനത (എസ്.ജെ.ഡി) പുനരുജ്ജീവിപ്പിക്കും. യുഡിഎഫ് വിടുന്നതിന്റെ ഭാഗമായി വീരേന്ദ്രകുമാര്‍ എംപി സ്ഥാനം രാജിവെച്ചേക്കും. തുടര്‍ന്ന് ഇടതുമുന്നണിയുടെ ഭാഗമാവാനാണ് തീരുമാനം.