സിപിഐ മുതിര്‍ന്ന നേതാവു മുന്‍ മന്ത്രിയുമായിരുന്ന ഇ ചന്ദ്രശേഖരന്‍ നായര്‍ അന്തരിച്ചു

തിരുവനന്തപുരം:സിപിഐ മുതിര്‍ന്ന നേതാവും മുന്‍ മന്ത്രിയുമായിരുന്ന ഇ ചന്ദ്രശേഖരന്‍ നായര്‍ അന്തരിച്ചു.ഇന്ന് ഉച്ചയോടെയായിരുന്നു.കേരളത്തില്‍ മാവേലി സ്‌റ്റോറുകള്‍ക്ക് തുടക്കമിട്ടത് ചന്ദ്രശേഖരന്‍ നായര്‍ ഭക്ഷ്യവകുപ്പ് കൈകാര്യം ചെയ്തപ്പോഴായിരുന്നു.അദ്ദേഹം മാവേലി മന്ത്രിയായി വാഴ്ത്തപ്പെടുന്നു.ഓണച്ചന്തകളുടെ തുടക്കം അദ്ദേഹത്തിന്റെ കാലത്താണ്.മികച്ച സഹകാരി.അഴിമതി ആരോപണങ്ങളുടെയും വിവാദങ്ങളുടെയും നിഴല്‍ വീഴാത്ത ആദരണീയ വ്യക്തിത്വമായിരുന്നു.

കേരളത്തിലെ ആദ്യ മന്ത്രിസഭയില്‍ തന്നെ അംഗമായിരുന്നു(1957) ഇ ചന്ദ്രശേഖരന്‍ നായര്‍.ആറു തവണ നിയമസഭയിലെത്തി.(67,67,77,80,87,96).ഇ കെ നായനാര്‍ മന്ത്രിസഭയിലാണ് മൂന്നു തവണ മന്ത്രിയായത്.1980 ലും 87ലും പൊതുവിതരണം,ഭവന നിര്‍മ്മാണം എന്നിവ കൈകാര്യം ചെയ്തു.1996 ല്‍ നിയമവും വിനോദസഞ്ചാരവും കൈകാര്യം ചെയ്തു.

1980 ല്‍ ആദ്യം മന്ത്രിയായപ്പോള്‍ തന്നെ കേരളത്തിലെ ഭക്ഷ്യ പൊതുവിതരണ മേഖലയില്‍ ശ്രദ്ധേയമായ ഊന്നല്‍ നല്‍കി.ഓണച്ചന്തകളുടെ വിജയം മാവേലി സ്‌റ്റോറുകള്‍ തുടങ്ങുന്നതിന് തുടക്കമിട്ടു.വിലക്കയറ്റം സാധാരണക്കാരേ ബാധിക്കാതിരിക്കുന്നതിന് മാവേലി സ്റ്റോറുകളുടെ വരവ് വലിയൊരു ആശ്വാസമായിരുന്നു. നിയമസഭാ സമിതികളിലും സഹകരണ പ്രസ്ഥാനങ്ങളിലും വ്യക്തി മുദ്ര പതിപ്പിച്ചു.ഇവയുടെയൊക്കെ ദേശീയ-സംസ്ഥാന സമിതികളില്‍ അംഗമായും അധ്യക്ഷനായും പ്രവര്‍ത്തിച്ചു.ദേശീയ സഹകരണ പ്രസ്ഥാന യൂണിയന്‍ പ്രസിഡന്റ്,സഹകരണ ബാങ്കുകളുടെ ദേശീയ ഫെഡറേഷന്‍ അധ്യക്ഷന്‍,റിസര്‍വ്വ് ബാങ്ക് ക്രെഡിറ്റ് ബോര്‍ഡ് അംഗം ,തുടങ്ങിയ സ്ഥാനങ്ങള്‍ വഹിച്ചു.ഏറ്റവും നല്ല സഹകാരിക്കുള്ള സദാനന്ദന്‍ പുരസ്‌ക്കാരവും ഏറ്റവും നല്ല പാര്‍ലമെന്റേറിയനുള്ള ആര്‍ ശങ്കരനാരായണന്‍ തമ്പി അവാര്‍ഡും ലഭിച്ചു സംസ്ഥാന സഹകരണ ബാങ്ക് പ്രസിഡന്റായിരുന്ന കാലത്താണ് സഹകരണ നിക്ഷേപണ സമാഹരണ പദ്ധതി ആരംഭിക്കുന്നത്

ഭാര്യ-മനോരമ,മക്കള്‍-ഗീത,ജയചന്ദ്രന്‍