യുഎഇയില്‍ ആശ്വാസമാവുന്നു

യുഎഇയില്‍ കോവിഡ് മുക്തരുടെ എണ്ണം 35,000 കവിഞ്ഞു. ഇന്നലെ മാത്രം 760 പേരാണ് രോഗമുക്തി നേടിയത്. ഇതോടെ സുഖപ്പെട്ടവരുടെ എണ്ണം ആകെ 35,165 ആയതായി ആരോഗ്യ-രോഗപ്രതിരോധ മന്ത്രാലയം അറിയിച്ചു. കോവിഡ് ബാധിച്ച് രാജ്യത്ത് ഒരാള്‍ കൂടി മരിച്ചു. ആകെ മരണ സംഖ്യ 308. ഇന്ന് 430 പേര്‍ക്കു കൂടി കോവിഡ് സ്ഥിരീകരിച്ചതോടെ രോഗബാധിതരുടെ എണ്ണം 46,563 ആയി. നിലവില്‍ ചികിത്സയിലുള്ളത് 11090 പേര്‍. 49,000 പേര്‍ക്ക് പുതുതായി പരിശോധന നടത്തിയപ്പോഴാണ് 430 പേര്‍ക്ക് രോഗബാധ കണ്ടെത്തിയത്. രാജ്യത്ത് പ്രതിരോധ നടപടികള്‍ ഊര്‍ജിതമായി നടന്നുവരുന്നു. ആരോഗ്യ അധികാരികളുമായി സഹകരിക്കണമെന്നും എല്ലാവരുടെയും ആരോഗ്യവും സുരക്ഷയും ഉറപ്പുവരുത്തുന്നതിനായി ശാരീരിക അകലം പാലിക്കുന്ന പ്രോട്ടോക്കോളുകളും പ്രതിരോധ നടപടികളും പാലിക്കണമെന്നും മന്ത്രാലയം പൊതുജനങ്ങളോട് ആവശ്യപ്പെട്ടു.