മമ്മൂട്ടി ചിത്രം വണ്‍ ഉടനെ റിലീസിനില്ല സംവിധായകന്‍

  മമ്മൂട്ടി ചിത്രം വണ്‍ ഉടനെ റിലീസിനില്ല സംവിധായകന്‍. ചിത്രം ഓണ്‍ലൈന്‍ പ്ലാറ്റ്‌ഫോമിലൂടെ റിലീസിനെത്തുമെന്ന വാര്‍ത്തകളോട് പ്രതികരിക്കുകയായിരുന്നു അദ്ദേഹം. മമ്മൂട്ടി കേരള മുഖ്യമന്ത്രി കടക്കല്‍ ചന്ദ്രനായി വേഷമിടുന്ന ചിത്രമാണ് വണ്‍. 'വണ്‍ തീയേറ്ററില്‍ തന്നെയേ പ്രദര്‍ശനത്തിനെത്തുകയുള്ളൂ. ഇപ്പോള്‍ പ്രചരിക്കുന്നത് വ്യാജ വാര്‍ത്തയാണ്. അത് എവിടെ നിന്നാണ് വന്നതെന്ന് അറിയില്ല. തീയേറ്ററര്‍ റിലീസിനായാണ് കാത്തിരിക്കുന്നത്.' സന്തോഷ് വിശ്വനാഥ് പറയുന്നു. 'ചിത്രത്തിന്റെ ചിത്രീകരണം ഏതാണ്ട് കഴിയുന്ന സമയത്താണ് ലോക്ഡൗണ്‍ വരുന്നത്. രണ്ട് ദിവസത്തെ ചിത്രീകരണം മാത്രമേ ബാക്കിയുണ്ടായിരുന്നുള്ളൂ.അപ്പോഴാണ് ലോക്ഡൗണും മറ്റും വരുന്നത്. ഇപ്പോഴത്തെ സാഹചര്യത്തിലും ചിത്രീകരണം സാധ്യമല്ല. വലിയ ആള്‍ക്കൂട്ടം വേണ്ട രംഗമാണ്. ഏതാണ്ട് അയ്യായിരം പേരെങ്കിലും വേണ്ട രംഗമാണ്. ചിത്രീകരണം ഇപ്പോള്‍ അനിശ്ചിതത്വത്തില്‍ ആണ്. ടെയ്ല്‍ എന്‍ഡ് ആണ്. റിലീസും അതുകൊണ്ട് തീരുമാനിച്ചിട്ടില്ല. വണ്‍ ചിത്രീകരണം കഴിഞ്ഞിരുന്നുവെങ്കില്‍ പോലും ഒടിടി റീലീസ് ഉണ്ടാവില്ലായിരുന്നു. നമ്മുടെ നിര്‍മാതാവും തീയേറ്റര്‍ റിലീസേ ഉള്ളൂ എന്നതിന് പൂര്‍ണ പിന്തുണയാണ് തന്നത്. അത് തീയേറ്ററില്‍ കാണേണ്ട സിനിമയാണ്. ഞാനൊരു മമ്മൂട്ടി ആരാധകനാണ്, ഈ സിനിമ മറ്റേത് സംവിധായകന്‍ ചെയ്താലും എങ്ങനെയാവണമെന്ന് ഞാനെന്ന മമ്മൂട്ടി ആരാധകന്‍ ആഗ്രഹിക്കുന്നുവോ അതുപോലൊരു ചിത്രമാണ് വണ്‍'. സന്തോഷ് നേരത്തെ മാതൃഭൂമി ഡോട് കോമിന് നല്‍കിയ അഭിമുഖത്തില്‍ പറഞ്ഞിരുന്നു. ബോബി സഞ്ജയ് ആണ് ചിത്രത്തിന് തിരക്കഥ ഒരുക്കുന്നത്. മമ്മൂട്ടിയ്ക്ക് പുറമേ ജോജു ജോര്‍ജ്, മുരളി ?ഗോപി, നിമിഷ സജയന്‍, ?ഗായത്രി അരുണ്‍ തുടങ്ങിയ താരനിരയും ചിത്രത്തിനായി അണിനിരക്കുന്നുണ്ട്. ?ഗോപി സുന്ദറാണ് ചിത്രത്തിന് സം?ഗീത സംവിധാനം നിര്‍വഹിക്കുന്നത്. വൈദി സോമസുന്ദരമാണ് ഛായാഗ്രഹണം. ഇച്ചായീസ് പ്രൊഡക്ഷന്‍സിന്റെ ബാനറില്‍ ആര്‍ ശ്രീലക്ഷ്മിയാണ് ചിത്രം നിര്‍മിക്കുന്നത്.