എസ് എന്‍ ട്രെസ്റ്റില്‍ മത്‌സരം വെള്ളാപ്പള്ളി വിരുദ്ധര്‍ ഒരുമിക്കുന്നു

എസ്എന്‍ ട്രസ്റ്റ് തെരഞ്ഞെടുപ്പില്‍ എസ്എന്‍ഡിപിയോഗം ജനറല്‍ സെക്രട്ടറി വൈള്ളാപ്പള്ളി നടേശനെതിരെ എതിര്‍ ചേരി ശക്തമാവുന്നു. ഇതിനു പിന്നാലെ എത്തുന്ന യോഗം തിരഞ്ഞെടുപ്പാണ് കാരണം. ക്കരുകോണ്‍ഗ്രസ് എം. പി , ബി ജെ പി സംസ്ഥാന നേതാവ് എന്നിവര്‍ വെള്ളാപ്പള്ളിക്കെതിരെ സജീവമായിട്ടുണ്ട്. സ്വന്തം മേഖലയായ ചേര്‍ത്തലയില്‍ 25 വര്‍ഷത്തിനിടെ ഇതാദ്യമായി 115 പേര്‍ മത്സര രംഗത്ത് എത്തി. ഇതില്‍ 60 പേരും ആലപ്പുഴ ജില്ലയില്‍ നിന്നാണ്. 2340 അംഗങ്ങളാണ് ചേര്‍ത്തല റീജിയനിലുള്ളത്. ഇതിന്റെ 10 ശതമാനമായ 234 പേരെയാണ് എസ്എന്‍ ട്രസ്റ്റിലേക്ക് തെരഞ്ഞെടുക്കേണ്ടത്. ഇതിനായി വെള്ളാപ്പള്ളി പക്ഷത്ത് നിന്ന് 234 പേര്‍ പത്രിക നല്‍കി. എതിര്‍പക്ഷത്ത് നിന്ന് 115 പേരും പത്രിക നല്‍കി. കണിച്ചു കുളങ്ങര ഭാഗത്ത് നിന്നുള്ളവരാണ് ഏറെയും. സ്ഥാനാര്‍ത്ഥികളില്‍ 60 പേരും ആലപ്പുഴയില്‍ നിന്നാണ്. 40 പേര്‍ കൊല്ലത്ത് നിന്നുണ്ട്. ബാക്കി നങ്യാര്‍കുളങ്ങര, കണ്ണൂര്‍, കോഴിക്കോട്, പാലക്കാട് റീജിയനില്‍ നിന്നുള്ളവരാണ്. 5000 സംഭാവനയുള്ള 3 ഡി കാറ്റഗറിയില്‍ നിന്നാണ് മത്സരമെന്നതും ശ്രദ്ധേയമാണ്. ജീവനൊടുക്കിയ കണിച്ചുകുളങ്ങര യൂണിയന്‍ സെക്രട്ടറി കെകെ മഹേശന്റെ അനന്തരവന്‍ എംഎസ് അനില്‍കുമാര്‍, ബിജെപി ഓബിസി മോര്‍ച്ച സംസ്ഥാന നേതാവ് മധുപരുമല അടക്കമുള്ളവര്‍ വെള്ളാപ്പള്ളി പാനലിനെതിരായി മത്സരിക്കുന്നു. നേരത്തേ തിരുവല്ല യൂണിയന്‍ പ്രസിഡന്റായിരുന്നു മധു. ഡി. പ്രഭ, പി.എസ്. രാജീവ്, മുന്‍ ട്രസ്റ്റ് സെക്രട്ടറി അഡ്വ. എസ്. കാര്‍ത്തികേയന്റെ മകന്‍ അഡ്വ. കെ. രാധാകൃഷ്ണന്‍, സി.കെ. വിജയഘോഷ് ചാരങ്കാട്ട്, കെ.എന്‍. ചന്ദ്രന്‍, എംപി പരമേശ്വരന്‍, ഉഷ മഹേശന്‍ എന്നിവരുടെ നേതൃത്വത്തിലാണ് പാനല്‍ മത്സരിക്കുന്നത്.സ്വന്തം തട്ടകമായ കണിച്ചു കുളങ്ങരയില്‍ എതിരുള്ള കാര്യം വെള്ളാപ്പള്ളി മിണ്ടുന്നുമില്ല.