കേരളത്തില്‍ ട്രെയിന്‍ സര്‍വീസുകള്‍ പുനരാരംഭിക്കുന്നു

കൊച്ചി : കേരളത്തില്‍ ട്രെയിന്‍ സര്‍വീസുകള്‍ പുനരാരംഭിക്കുന്നു. മംഗളൂരു, നാഗര്‍കോവില്‍ ഏറനാട് എക്‌സ്പ്രസും തിരുനെല്‍വേലി, പാലക്കാട് പാലരുവി എക്‌സ്പ്രസും സ്‌പെഷല്‍ സര്‍വീസുമാണ് പുനരാരംഭിക്കുന്നത്.

മംഗളൂരു, നാഗര്‍കോവില്‍ ഏറനാട് സ്‌പെഷല്‍ മംഗളൂരുവില്‍നിന്ന് ഈ മാസം 6നും നാഗര്‍കോവിലില്‍നിന്ന് 7നും സര്‍വീസ് ആരംഭിക്കും.പാലരുവിയുടെ തിരുനെല്‍വേലിയില്‍നിന്നുള്ള സര്‍വീസ് 4നും പാലക്കാട്‌നിന്നുള്ളതു 5നും ആരംഭിക്കും. തിരുനെല്‍വേലിയില്‍നിന്നു രാത്രി 11.25ന് പുറപ്പെടുന്ന ട്രെയിന്‍ (06791) പിറ്റേന്ന് ഉച്ചയ്ക്കു 12.50നു പാലക്കാട് എത്തും. മടക്ക ട്രെയിന്‍ (06792) പാലക്കാട്‌നിന്നു വൈകിട്ട് 4.05ന് പുറപ്പെട്ടു പിറ്റേന്ന് രാവിലെ 4.55ന് തിരുനെല്‍വേലിയിലെത്തും. തെങ്കാശി, കൊല്ലം, കോട്ടയം, എറണാകുളം ടൗണ്‍ വഴിയാണു സര്‍വീസ്.ഒപ്പം എറണാകുളം- ബെംഗളൂരു ഇന്റര്‍സിറ്റി 8 മുതല്‍ സര്‍വീസ് ആരംഭിക്കും. രാവിലെ 9.10ന് എറണാകുളത്തു നിന്നു പുറപ്പെടുന്ന ട്രെയിന്‍ രാത്രി 7.18ന് ബെംഗളൂരുവില്‍ എത്തും.
ബെംഗളൂരു-എറണാകുളം ഇന്റര്‍സിറ്റി 9 മുതല്‍ സര്‍വീസ് തുടങ്ങും. രാവിലെ 6.22ന് ബെംഗളൂരുവില്‍ നിന്നു പുറപ്പെട്ടു വൈകിട്ട് 4.55ന് എറണാകുളത്ത് എത്തും.