കൂള്‍പാഡ് കൂള്‍ എസ് മിഡ് റേഞ്ച് സ്മാര്‍ട്ട്‌ഫോണ്‍ അവതരിപ്പിച്ചു

കൂള്‍പാഡ് കൂള്‍ എസ് മിഡ് റേഞ്ച് സ്മാര്‍ട്ട്‌ഫോണ്‍ ലോഞ്ച് ചെയ്തു. പഞ്ച്-ഹോള്‍ ഡിസൈനുള്ള ഡിവൈസിന് കരുത്ത് നല്‍കുന്നത് മീഡിയടെക് ഹീലിയോ പി 60 പ്രോസസറാണ്.എല്‍-ആകൃതിയിലുള്ള ക്യാമറ മൊഡ്യൂളുള്ള സിംഗിള്‍-ടോണ്‍ ഗ്രേഡിയന്റ് റിയര്‍ പാനലാണ് കൂള്‍പാഡ് കൂള്‍ എസ് സ്മാര്‍ട്ട്ഫോണില്‍ ഉള്ളത്. ഈ ഒക്ടാ കോര്‍ ചിപ്‌സെറ്റിനൊപ്പം 4 ജിബി റാമും 128 ജിബി സ്റ്റോറേജും കൂള്‍പാഡ് നല്‍കിയിട്ടുണ്ട്. സ്റ്റോറേജ് 256 ജിബി വരെ എക്സ്പാന്‍ഡ് ചെയ്യാന്‍ മൈക്രോ എസ്ഡി കാര്‍ഡ് സ്ലോട്ടും ഡിവൈസില്‍ നല്‍കിയിട്ടുണ്ട്. ആന്‍ഡ്രോയിഡ് 10 ഒഎസ് ബേസ്ഡ് കസ്റ്റം യുഐയിലാണ് സ്മാര്‍ട്ട്ഫോണ്‍ പ്രവര്‍ത്തിക്കുന്നത്.

ക്യാമറ മൊഡ്യൂള്‍ മുകളില്‍ ഇടത് വശത്താണ് സ്ഥാപിച്ചിരിക്കുന്നത്. 6.53 ഇഞ്ച് എല്‍സിഡി ഡിസ്‌പ്ലേയുള്ള ഡിവൈസില്‍ വലരെ ചെറിയ ബെസലുകളാണ് ഉള്ളത്. 48 എംപി പ്രൈമറി സെന്‍സറുള്ള ക്വാഡ് ക്യാമറ സെറ്റപ്പും 25 എംപി സെല്‍ഫി ക്യാമറയും ഡിവൈസി. ഉണ്ട്. സെല്‍ഫികള്‍ക്ക് പ്രാധാന്യം നല്‍കുന്ന ഡിവൈസാണ് ഇത്. 1080 x 2400 പിക്സല്‍ എഫ്‌എച്ച്‌ഡി + റെസലൂഷനുള്ള ഡിസ്പ്ലെയാണ് ഡിവൈസിന്റേത്. മീഡിയടെക് ഹീലിയോ പി60 പ്രോസസറിന്റെ കരുത്തിലാണ് ഈ സ്മാര്‍ട്ട്ഫോണ്‍ പ്രവര്‍ത്തിക്കുന്നത്.