നുണ പരിശോധനയ്ക്ക് വിധേയനാകാന്‍ കേജ്‌രിവാളിന് ധൈര്യമുണ്ടോ?

ഡല്‍ഹി മുഖ്യമന്ത്രി അരവിന്ദ് കേജ് രിവാളിനെതിരെയുള്ള അഴിമതി ആരോപണത്തില്‍ ഉറച്ചു നില്‍ക്കുന്നതായും ധൈര്യമുണ്ടെങ്കില്‍ നുണപരിശോധനയ്ക്കു വിധേയനാകാനും എഎപിയില്‍ നിന്നു പുറത്താക്കപ്പെട്ട മന്ത്രി കപില്‍ മിശ്ര.ഭൂമിയിടപാടില്‍ മുഖ്യമന്ത്രി ആരോഗ്യമന്ത്രി സത്യേന്ദ്ര ജയിനില്‍ നിന്നു രണ്ടു കോടി രൂപ കോഴ വാങ്ങിയത് കണ്ടതാണെന്ന ആരോപണത്തില്‍ ഉറച്ചു നില്‍ക്കുകയാണ് കപില്‍ .

ആരോപണത്തെ തുടര്‍ന്ന് അന്വോഷണത്തിന് ഗവര്‍ണര്‍ അനില്‍ ബൈജാന്‍ ഉത്തരവിട്ടു.അഴിമതിആരോപണം പുറത്തു വന്നതോടെ ബിജെപിയും കോണ്‍ഗ്രസും കേജ് രിവാളിനെതിരെ രംഗത്തു വന്നു.ജലവിഭവ വകുപ്പിലെ പിഴവുകളുടെ പേരില്‍ കഴിഞ്ഞ ആഴ്ചയാണ് കപില്‍ മിശ്രയെ കേജ് രിവാള്‍ പുറത്താക്കിയത്.