കണ്ണുനീരെന്റെ ബലഹീനതയല്ല,ഐപിഎസ് ഉദ്യോഗസ്ഥ

ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ നിയോജക മണ്ഡലത്തില്‍ എം എല്‍ എ ശകാരിച്ചതിനെ തുടര്‍ന്ന് പൊട്ടിക്കരഞ്ഞ ഐ പി എസ് ഉദ്യോഗസ്ഥ ചാരു നിഗം വിശദീകരണവുമായി രംഗത്തെത്തി.തന്റെ കണ്ണുനീര്‍ ബലഹീനതയായി കാണരുതെന്നും മുതിര്‍ന്ന ഉദ്യോഗസ്ഥന്‍ നല്‍കിയ പിന്തുണയില്‍ വികാരാധീനയായതാണ് താനെന്നും അവര്‍ ഫേസ് ബുക്കില്‍ കുറിച്ചു

ഞായറാഴ്ച ഉച്ചക്കായിരുന്നു സംഭവം.പ്രദേശത്ത് വ്യാദമദ്യ വില്പന നടത്തുന്നതിനെതിരെ പൊലീസ് നടപടിയെടുക്കാത്തതില്‍ പ്രതിഷേധിച്ച് സ്ത്രീകള്‍ റോഡ് ഉപരോധിച്ചു.ഇതറിഞ്ഞ് സ്ഥലത്തെത്തിയ ഗൊരഘ്പൂര്‍ എംഎല്‍എ രാധാമോഹന്‍ ദാസ് അഗര്‍വാള്‍ ഈ പ്രദേശത്തിന്റെ ചുമതലയുള്ള ചാരു നിഗം ഐ പി എസിനെ വിളിച്ചു വരുത്തുകയും അവരെ ശകാരിക്കുകയും ചെയ്തു.നിങ്ങളോട് എനിക്കൊന്നും പറയാനില്ല,മിണ്ടാതിരുന്നു കൊള്ളുക,അതിരു കടക്കാന്‍ ശ്രമിക്കരുത് എന്നൊക്കെയായിരുന്നു ചാരു വിനോട് എം എല്‍ എ പറഞ്ഞത്.വിമര്‍ശനം അതിരു കടന്നപ്പോള്‍ ഐ പി എസ് ഉദ്യോഗസ്ഥ വിങ്ങിപ്പൊട്ടിക്കരയുകയായിരുന്നു.ഇതു കണ്ട് മുതിര്‍ന്ന ഉദ്യോഗസ്ഥന്‍ അനുനയിപ്പിക്കാന്‍ ശ്രമിച്ചു.ഇവര്‍ കണ്ണുനീര്‍ തുടയ്ക്കുന്നതിന്റെ ദൃശ്യങ്ങള്‍ ടിവി ചാനലുകളില്‍ കൂടി കാണാമായിരുന്നു.