ജോലിയില്‍ കാര്യക്ഷമതയില്ല ;എഫ്ബിഐ ഡയറക്ടറെ ട്രംമ്പ് പുറത്താക്കി

ജോലിയില്‍ കാര്യക്ഷമതയില്ലെന്നാരോപിച്ച് ഫെഡറല്‍ ബ്യൂറോ ഓഫ് ഇന്‍വെസ്റ്റിഗേഷന്‍ മേധാവി ജെയിംസ് കോമെയെ ഡൊണാള്‍ഡ് ട്രംമ്പ് പുറത്താക്കി.അമേരിക്കന്‍ തിരഞ്ഞെടുപ്പ് കാലത്ത് ഡൊണാള്‍ഡ് ട്രംമ്പിന് റഷ്യയുമായി ബന്ധമുണ്ടായിരുന്നെന്ന ആരോപണത്തെക്കുറിച്ച് എഫ്ബിഐ അന്വേഷണം നടത്തി വരികയാണ് പ്രസിഡന്റിന്റെ അമ്പരപ്പിക്കുന്ന പുതിയ നീക്കം. കോമെയുടെ പ്രവര്‍ത്തനത്തില്‍ അതൃപ്തി രേഖപ്പെടുത്തിയ ട്രംമ്പ് ഏജന്‍സിയോടുള്ള ജനങ്ങളുടെ വിശ്വാസം നഷ്ടമായെന്നും അത് തിരികെ കൊണ്ടു വരുന്നതിനു വേണ്ടിയുള്ള നടപടികള്‍ സ്വീകരിക്കുമെന്നു#ം പറഞ്ഞു.കോമിയുടെ പുറത്താക്കല്‍ നടപടിയേക്കുറിച്ച് വിശദീകരിക്കുകയായിരുന്നു അദ്ദേഹം.

എഫ് ബി ഐ ഡയറക്ടറെ മാറ്റണമെന്ന യു എസ് അറ്റോര്‍ണി ജനറലിന്റെയും ഡെപ്യൂട്ടി അറ്റോര്‍ണി ജനറലിന്റെയും നിര്‍ദ്ദേശത്തെ തുടര്‍ന്ന് കോമെയോട് ഏറ്റവും പെട്ടന്ന് ഓഫീസ് ഒഴിയണമെന്ന നിര്‍ദ്ദേശമാണ് നല്‍കിയിരിക്കുന്നത്‌