അതിര്‍ത്തിയില്‍ പാക്ക് പട്ടാളത്തിന്റെ വെടിവെയ്പ്പ്;ഒരു സ്ത്രീ കൊല്ലപ്പെട്ടു

ജമ്മു കാശ്മീരില്‍ നൗഷാരാ മേഖലയില്‍ പാക്കിസ്ഥാന്‍ പട്ടാളത്തിന്റെവെടിവെയ്പ്പില്‍ ഒരു സ്ത്രീ കൊല്ലപ്പെടുകയും ഒരു പുരുഷന് പരിക്കേല്‍ക്കുകയും ചെയ്തതായി റിപ്പോര്‍ട്.മേഖലയില്‍ വെടിവെയ്പ്പ് തുടരുകയാണ്.ഇന്നലെ രാത്രിയാണ് അതിര്‍ത്തി പ്രദേശമായ രജൗരി ജില്ലയിലെ നൗഷേരാ മേഖലയില്‍ വെടിവെയ്പ്പ് തുടങ്ങിയത്.കൈത്തോക്കുകളും മോര്‍ട്ടാര്‍ ഷെല്ലുകളും ഉപയോഗിച്ച് നടത്തുന്ന പാക്ക് സൈന്യത്തിന് ഇന്‍ഡ്യന്‍ സൈന്യം ശക്തമായ മറുപടി നല്‍കുന്നുണ്ട്.

പൂഞ്ച് ജില്ലയില്‍ കഴിഞ്ഞയാഴ്ച പെട്രോളിംഗ് നടത്തുകയായിരുന്ന ഇന്‍ഡ്യന്‍ സൈനികനും ബിഎസ്എഫ് ജവാനും പാക്കിസ്ഥാന്‍ പട്ടാളത്തിന്റെ വെടിവെയ്പില്‍ ജീവന്‍ നഷ്ടമായിരുന്നു.പാക് സൈന്യം ഇവരുടെ മൃതദേഹം വികൃതമാക്കുകയും ചെയ്തിരുന്നു.ഇതിനു പിന്നാലെയാണ് ഇന്നലത്തെ സംഭവം. പാക്കിസ്ഥാന്റെ നീചമായ പ്രവര്‍ത്തിക്കു ശക്തമായ ഭാഷയില്‍ മറുപടി നല്‍കുമെന്ന് ഇന്‍ഡ്യന്‍ സൈന്യവും സര്‍ക്കാരും വ്യക്തമാക്കിയതിനു തൊട്ടു പിന്നാലെയാണ് വീണ്ടും ആക്രമണം.ദിവസേന രണ്ടെന്ന രീതിയില്‍ വീണ്ടും വെടി നിര്‍ത്തല്‍ കരാര്‍ പാക്കിസ്ഥാന്‍ ലംഘിച്ചിരിക്കുകയാണ്.