“രജനീകാന്ത് എത്തും , കാണും,ഫോട്ടോ എടുക്കും,പോകും ,പക്ഷെ ഒന്നും മിണ്ടരുത്”

രജനീകാന്ത് ആരാധകര്‍ക്ക് ശുഭ വാര്‍ത്ത്.രജനി മെയ് 15 മുതല്‍ നാലു ദിവസം മറ്റെല്ലാം തിരക്കുകളില്‍ നിന്നു മാറി ആരാധകര്‍ക്കായി സമയം ചിലവഴിക്കും.നീണ്ട എട്ടു വര്‍ഷത്തെ ആരാധക വൃന്ദത്തിന്റെ കാത്തിരിപ്പിനൊടുവിലാണ് ആരാധകര്‍ക്കായി രജനി സമയം കണ്ടെത്തുന്നത്.നാലു ദിവസം നീളുന്ന കൂടിക്കാഴ്ചയില്‍ വിവിധ ബാച്ചുകളായാണ് തെന്നിഡ്യന്‍ സൂപ്പര്‍ താരം തന്റെ കട്ട ഫാന്‍സിനായി സമയം അനുവദിച്ചിരിക്കുന്നത്.പക്ഷെ ഫോട്ടോ പിടിയ്ക്കാനും ഒരു നോക്കു കാണാനും മാത്രമാണ് താരത്തിന്റെ വിലപ്പെട്ട സമയം ചിലവഴിക്കുന്നത്.രജനിയോട് സംസാരിക്കാനുള്ള അവസരം സംഘാടകര്‍ ഒരുക്കിയിട്ടില്ല.

2009 ല്‍ ശിവജിയുടെ റിലീസിനു ശേഷം താരം ആദ്യമായാണ് ഫാന്‍സുകാരേ കാണുന്നത്.രജനീകാന്തിനെ കാണാനും ഫോട്ടോ എടുക്കാനും അവസരം നല്‍കി രജനിയുടെ ഫാന്‍സുകാര്‍ക്ക് കത്തയച്ചതായി സംഘാടകര്‍ അ റിയിച്ചു. കഴിഞ്ഞമാസം ഫാന്‍സുകാര്‍ക്കായി സമയം അനുവദിച്ചിരുന്ന താരം പക്ഷെ ഓരോരുത്തര്‍ക്കു വേണ്ടി ഫോട്ടോയ്ക്ക് സമയം അനുവദിക്കണമെന്ന ഫാന്‍സുകാരുടെ ആവശ്യത്തെ തുടര്‍ന്ന് കൂടിക്കാഴ്ച വേണ്ടന്നു വയ്ക്കുകയായിരുന്നു.