വിവാഹാഭ്യര്‍ത്ഥന നിരസിച്ച പെണ്‍കുട്ടിയെ അതിക്രൂരമായി പീഡിപ്പിച്ചു കൊന്നു; മൃതദേഹം വികൃതമാക്കി ഉപേക്ഷിച്ചു

വീണ്ടും ഡല്‍ഹി പീഡനത്തിന്റെ ആവര്‍ത്തനം.ഹരിയാനയിലെ റോത്തക്കില്‍ 22 കാരിയെ സംഘം ചേര്‍ന്ന് പീഡിപ്പിച്ച് കൊന്നശേഷം മൃതദേഹം വികൃതമാക്കി വഴിയരികില്‍ ഉപേക്ഷിച്ചു.അതിക്രൂരമായ രീതിയില്‍ പെണ്‍കുട്ടിയെ പീഡിപ്പിച്ചശേഷമാണ് തിരിച്ചറിയാതിരിക്കാന്‍ വാഹനം കയറ്റി മുഖം വികൃതമാക്കിയിരിക്കുന്നത്.സംഘത്തില്‍ ഏഴുപേരുണ്ടാകുമെന്നാണ് പൊലീസ് നിഗമനം.മെയ് 11 നാണ് പെണ്‍കുട്ടിയുടെ മൃതദേഹം ശരീരമാസകലം മുറിവുകളുമായി പൊലീസിന് ലഭിക്കുന്നത്. മെയ് 9 ന് വീട്ടില്‍ നിന്നുജോലിക്കു പോയ പെണ്‍കുട്ടിയെ കാണാതായി .തുടര്‍ന്ന് വീട്ടുകാര്‍ പൊലീസില്‍ പരാതി നല്‍കി.തുടര്‍ന്ന് നടത്തിയ അന്വേഷണത്തിലാണ് പെണ്‍കുട്ടിയുടെ ക്രൂരമായി പീഡിപ്പിച്ചു കൊലചെയ്യപ്പെട്ട മൃതദേഹം ലഭിക്കുന്നത്.ആളെ തിരിച്ചറിയാതിരിക്കാന്‍ വാഹനത്തിന്റെ ചക്രം മുഖത്തു കൂടി കയറ്റിയ പാടുകളുണ്ട്.തുടര്‍ന്ന് നടത്തിയ ഫോറന്‍സിക് പരിശോധനയിലാണ് പെണ്‍കുട്ടിയെ ഏഴു പേരെങ്കിലും ചേര്‍ന്നാണ് ബലാല്‍സംഘം ചെയ്ത് കൊന്നതെന്ന നിഗമനത്തിലെത്തിയത്.

ഠറാത്തക്കിലെ ആളൊഴിഞ്ഞ പ്രദേശത്തു നിന്നാണ് പെണ്‍കുട്ടിയുടെ മൃതദേഹം കണ്ടെത്തിയത്.ആദ്യം ആളെ തിരിച്ചറിയാന്‍ സാധിച്ചില്ല.പിന്നീടാണ് അടുത്ത ഗ്രാമത്തില്‍ നിന്നും യുവതിയെ കാണാനില്ലെന്ന പരാതി പരിശോധിച്ചത് .തുടര്‍ന്ന് നടത്തിയ പരിശോധനയിലാണ് അയല്‍ ഗ്രാമത്തില്‍ നിന്ന് കാണാതായ പെണ്‍കുട്ടിയാണെന്ന് സ്ഥിരീകരിച്ചത്.ഏതാനും മാസമായി ഒരു യുവാവ് പെണ്‍കുട്ടിയോട് നിരന്തരമായി വിവാഹാഭ്യര്‍ത്ഥന നടത്തിയിരുന്നതായും എന്നാല്‍ പെണ്‍കുട്ടി നിരസിച്ചിരുന്നതായും രക്ഷിതാവ് അറിയിച്ചത്.വിവാഹാഭ്യര്‍ത്ഥന നിരസിച്ചതു തന്നെയാകാം ഈ ക്രൂരതയ്ക്കു പിന്നിലെന്നാണ് പൊലീസ് നിഗമനം