യു പി മുഖ്യന്‍ യോഗി ആദിത്യനാഥ് ഉമ്മന്‍ചാണ്ടിയുടെ സ്‌കൂളില്‍!!!

അതിവേഗം ബഹുദൂരം സംസ്ഥാനത്തെ വളര്‍ത്തല്‍ ആദ്യം തുടങ്ങിയത് കേരളത്തിന്റെ മുന്‍മുഖ്യമന്ത്രി ഉമ്മന്‍ചാണ്ടിയാണ്.അദ്ദേഹത്തിന്റെ പാതയിലാണ് ഇപ്പോള്‍പ യു പി മുഖ്യന്‍ യോഗി ആദിത്യനാഥ്.ഠലാക്‌സഭാ തിരഞ്ഞെടുപ്പിന് രണ്ടു വര്‍ഷം മാത്രം ശേഷിക്കെ ബിജെപി ജനങ്ങള്‍ക്ക് നല്‍കിയ വാഗ്ദാനങ്ങള്‍ നടപ്പാക്കുന്നതിനും പദ്ധതികള്‍ നടപ്പാക്കുന്നതിനും യോഗി കുറച്ച് സ്പീഡങ്ങു കൂട്ടി. സര്‍ക്കാരിന്റെ പ്രവര്‍ത്തനങ്ങള്‍ക്കുള്ള ഇഴഞ്ഞു നീക്കം യോഗി ഇടപെട്ട് തീര്‍ത്തും ഇല്ലാതാക്കിയിരിക്കുന്നു.ജനക്ഷേമ പ്രവര്‍ത്തനങ്ങള്‍ക്ക് വേഗത കൂട്ടാന്‍ സകല സര്‍ക്കാര്‍ ഓഫീസുകള്‍ക്കും നിര്‍ദ്ദേശം നല്‍കി കഴിഞ്ഞു.മുഖ്യനായാലും സകലയിടങ്ങളിലും യോഗിയുടെ കണ്ണെത്തുന്നുണ്ട്.എവിടെയെങ്കിലും പാളിച്ച കണ്ടാല്‍ കടുത്ത നടപടി സ്വീകരിക്കാനുള്ള നിര്‍ദ്ദേശവുമുണ്ട്.

മുഖ്യമന്ത്രി പദവിയിലെത്തിയപ്പോള്‍ തന്നെ സര്‍ക്കാര്‍ വകുപ്പുകളില്‍ ശുദ്ധി കലശം നടത്താന്‍ യോഗി പണി തുടങ്ങിയിരുന്നു.17#ാമത് യുപി മുഖ്യമന്ത്രിയായി പദവിയേറ്റെടുത്തിട്ട് 60 ദിവസങ്ങള്‍ മാത്രമേ ആയിട്ടുള്ളുവെങ്കിലും സമാജ് വാദി പാര്‍ട്ടിയുടെ കീഴില്‍ അഴിമതിയില്‍ മുങ്ങിക്കുളിച്ചു കിടന്ന ഓരോ വകുപ്പിനും പുതിയ നിര്‍ദ്ദേശങ്ങള്‍ നല്‍കി ഉദ്യോഗസഥരെ നിലയ്ക്കു നിര്‍ത്താനാണ് യോഗി ആദ്യം തന്നെ ശ്രമിച്ചത് ഇന്‍ഡ്യയിലെ തന്നെ ഏറ്റവും വലിയ സംസ്ഥാനമായ യുപിയിലെ കക്ഷി നിലയനുസരിച്ചായിരിക്കും മിക്കവാറും ആരാകും രാജ്യം ഭരിക്കുക എന്നു തീരുമാനിക്കുക.എണ്‍പതു ലോക്‌സഭാ സീറ്റുകളാണ് യുപിയിലുള്ളത്.അതുകൊണ്ടു തന്നെ നരേന്ദ്ര മോദി സര്‍ക്കാരിന്റെ തുടര്‍ ഭരണത്തിന് യോഗി ആദിത്യനാഥ് നല്‍കുന്ന പ്രതിഫലം എന്താണെന്ന് കാത്തിരുന്നു കാണാം.