പ്രമുഖ വ്യവസായി ടൊയോട്ട സണ്ണി കുവൈറ്റില്‍ അന്തരിച്ചു

അഭിലാഷ് ഓമനക്കുട്ടന്‍

കുവൈറ്റിലെ പ്രമുഖ മലയാളി വ്യവസായി മാത്തുണ്ണി മാത്യൂസ്(ടൊയോട്ട സണ്ണി-81)അന്തരിച്ചു.ഏതാനും നാളുകളായി അസുഖബാധയെ തുടര്‍ന്ന് ചികില്‍സയിലായിരുന്നു.ഇന്നലെ വൈകീട്ട് ഇന്‍ഡ്യന്‍ സമയം വൈകീട്ട് 6.30 ഓടെയാണ് അന്ത്യം സംഭവിച്ചത്.സംസ്‌ക്കാരം പിന്നീട് നാട്ടില്‍ 1990 ല്‍ ഇറാഖ് അധിനിവേശകാലത്ത് കുവൈറ്റില്‍ കുടുങ്ങി പോയ ഇന്‍ഡ്യക്കാരേ നാട്ടിലെത്തിക്കുന്നതില്‍ അദ്ദേഹം നടത്തിയ ശ്രമങ്ങള്‍ ശ്രദ്ദനേടിയിരുന്നു.പിന്നീട് 2003 ഗള്‍ഫ് യുദ്ധകാലത്തും ഇദ്ദേഹം ഇന്‍ഡ്യന്‍ സമൂഹത്തിന് ആത്മധൈര്യം പകര്‍ന്ന് ഒപ്പമുണ്ടായിരുന്നു.

1956 ഒക്‌ടോബറിലാണ് അദ്ദേഹം കുവൈറ്റിലെത്തുന്നത്.രാജ്യത്തെ പ്രമുഖ ഓട്ടോ മൊബൈല്‍ കമ്പിനിയായ അല്‍ സായര്‍ ഗ്രൂപ്പിന്റെ ഇന്നത്തെ വളര്‍ച്ചയ്ക്കു അടിത്തറപാകിയത് ഇദ്ദേഹമായിരുന്നു ജനറല്‍ മാനേജര്‍ പദവി വരെയെത്തിയ അദ്ദേഹം കമ്പിനിയില്‍ നിന്നസ്വയം വിരമിച്ച ശേഷവും മലയാളികളുടെ ഇടയില്‍ ടൊയോട്ട സണ്ണി എന്ന പേരിലാണ് അറിയപ്പെട്ടത്.ടൊയോട്ട കാറുകളുടെ വില്പനയില്‍ കുവൈറ്റില്‍ മുന്നിലെത്തിക്കുന്നതില്‍ വഹിച്ച പങ്കാണ് അദ്ദേഹത്തെ ടൊയോട്ട സണ്ണിയാക്കിയത്.

1990 ല്‍ കുവൈറ്റില്‍ അദ്ദേഹം സഫീന റെന്റല്‍ കാര്‍ സര്‍വ്വീസ്,സഫീന ട്രേഡിംഗ് ആന്‍ഡ് കോണ്‍ട്രാക്റ്റിംഗ് കമ്പിനി എന്നിവയുടെ ചെയര്‍മാന്‍ സ്ഥാനം വഹിച്ചു വരികയായിരുന്നു.ജാബ്രിയ ഇന്‍ഡ്യന്‍ സ്‌കൂള്‍ ചെയര്‍മാനുമാണ് പത്തനംതിട്ട കൊയ്പ്പുറം കുമ്പനാട് സ്വദേശിയാണ്.കുമ്പനാട് നോായല്‍ മെമ്മോറിയല്‍ സ്‌കൂള്‍,ചെന്നൈ ലയോള കോളെജ് എന്നിവടങ്ങളില്‍ നിന്ന് വിദ്യാഭ്യാസം നേടി.കുവൈറ്റില്‍ ഇന്‍ഡ്യന്‍ ആര്‍ട്‌സ് സര്‍ക്കിള്‍ രൂപീകരിക്കുന്നതില്‍ മുഖ്യ പങ്ക് വഹിച്ചു.ഇന്‍ഡ്യന്‍ ബിസിനസ് കൗണ്‍സിലിന്റെയും ഇന്‍ഡ്യന്‍ സ്‌കൂളിന്റെയും ചെയര്‍മാനായിരുന്നു.

ഭാര്യ മേരി മാത്യു. മക്കള്‍: ജെയിംസ് എം.മാത്യൂസ് (ബിസിനസ്, കുവൈത്ത്, ബെംഗളൂരു), ആനി എം.മാത്യു (ഡല്‍ഹി), സൂസണ്‍ എം.മാത്യൂസ് (യുഎന്‍ മനുഷ്യാവകാശ കമ്മീഷനില്‍ അഭിഭാഷക, ജനീവ). മരുമക്കള്‍: റീബ, സുകിത് ഭട്ടാചാര്യ (കംപ്യൂട്ടര്‍ പ്രഫഷണല്‍, ഹോളണ്ട്)