ദുബായില്‍ ട്രക്കും ബസും കൂട്ടിയിടിച്ച് ഏഴു പേര്‍ മരിച്ചു

ദുബായ് മുഹമ്മദ് ബിന്‍ സായിദ് റോഡില്‍ നിന്നും ഷെയ്ഖ് സായിദ് റോഡിലെ അല്‍യലായിസ് റഓഡില്‍ ട്രക്കും ബസും കൂട്ടിയിടിച്ചുണ്ടായ അപകടത്തില്‍ ഏഴു പേര്‍ മരിച്ചു.36 പേര്‍ക്ക് പരിക്കേറ്റു.ഇവരില്‍ ചിലരുടെ നില ഗുരുതരമാണ്.ബസിന്റെ ടയര്‍ പൊട്ടി ഡ്രൈവര്‍ക്ക് നിയന്ത്രണം നഷ്ടമായതാണ് അപകടത്തിനു കാരണമെന്നാണ് പൊലീസിന്റെ പ്രാഥമിക വിലയിരുത്തല്‍

നിയന്ത്രണം വിട്ട ബസ് ട്രക്കുമായി കൂട്ടിയിടിക്കുകയായിരുന്നു.അപകടത്തെ തുടര്‍ന്ന് സ്ഥലത്തെത്തിയ ആംബുലന്‍സുകളും പൊലീസും രക്ഷാപ്രവര്‍ത്തനം ഊര്‍ജ്ജിതമാക്കി.എയര്‍ ആംബുലന്‍സ് വഴിയാണ് അപകടത്തില്‍ പെട്ടവരെ ആശുപത്രിയിലെത്തിച്ചത്.ബസില്‍ കുടുങ്ങിയവരെ ബസ് വെട്ടിപ്പൊളിച്ചാണ് പുറത്തെത്തിച്ചത്. ദുബായ് മൂന്നു മാസത്തിനിടയില്‍ 37 പേര്‍ മരിക്കുകയും 497 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്.വാഹനം ഉപയോഗിക്കുന്നവര്‍ അതീവ ജാഗ്രത പുലര്‍ത്തണമെന്ന് ദുബായ് പോലീസ് നിര്‍ദ്ദേശമുണ്ട്‌