ആന്‍ഡ്രോയിഡ് ഫോണുകളില്‍ ‘ജൂഡി’ ആക്രമണം പടരുന്നു

ലോക രാജ്യങ്ങളെ മുഴുവന്‍ മുള്‍മുനയിലാക്കിയ വാണാ ക്രൈ റാന്‍സംവെയര്‍ ആക്രമണത്തിനു തൊട്ടു പിന്നാലെ ലക്ഷോപലക്ഷം ആന്‍ഡ്രോയിഡ് ഫോണുകളിലേക്ക് ജൂഡി യെത്തുന്നു.ആന്‍ഡ്രോയിഡ് ഫോണുകളെ നിശ്ചലമാക്കാന്‍ ശേഷിയുള്ള മാല്‍വെയര്‍ വയറസുകള്‍ ലക്ഷക്കണക്കിന് ഫോണുകളില്‍ ബാധിച്ചെന്നാണ് വിലയിരുത്തല്‍.ഗൂഗിള്‍ പ്ലേസ്റ്റോറില്‍ നിന്നു ഡൗണ്‍ലോഡ് ചെയ്യപ്പെടുന്ന ആപ്ലിക്കേഷന്‍ ആപ്പുകളിലാണ് ജൂഡി കടന്നു കൂടിയിരിക്കുന്നത്.കൊറിയന്‍ കമ്പനി വികസിപ്പിച്ചെടുത്ത 41 ആപ്പുകളില്‍ മാല്‍വെയ് വയറസുകള്‍ കടന്നു കൂടിയിട്ടുണ്ടെന്നാണ് കണക്ക്. പരസ്യങ്ങളെന്ന വ്യാചേനയാണ് വൈറസുകള്‍ പ്രചരിച്ചത്ഓട്ടോമാറ്റിക്കായി ക്ലിക്ക് ചെയ്തു കയറാവുന്ന ആഡ്വെയറുകളാണ് ആപ്പുകളില്‍ കയറിപ്പറ്റിയിരിക്കുന്നത്..8.5 ലക്ഷം മുതല്‍ 36.5ലക്ഷം വരെ ആന്‍ഡ്രോയിഡ് ഫോണുകളെ ജുഡി പിടിയിലാക്കിയതായാണ് കണക്ക.വര്‍ഷങ്ങള്‍ പഴക്കമുള്ള ആപ്പുകളിലെ പരസ്യങ്ങള്‍ വഴിയാണ് വൈറസുകള്‍ കയറിപ്പറ്റിയിട്ടുള്ളത്.ഇവയില്‍ പല ആപ്പുകളും അടുത്തിടെ അപ്‌ഡേറ്റ് ചെയ്യപ്പെട്ടതാണ്.ആപ്പുകളുടെ പഴക്കം മാല്‍വെയര്‍ കയറിപ്പറ്റിയിട്ട് എത്ര കാലമായെന്ന് മനസിലാകുന്നതിന് തടസമായേക്കും.എത്ര രാജ്യങ്ങളിലെ ആന്‍ഡ്രോയിഡ് ഫോണുകളെ ഇവ ബാധിച്ചിട്ടുണ്ടെന്നും സ്ഥിരീകരണമായില്ല.അപായ മുന്നറിയിപ്പ് ലഭ്യമായിരിക്കുന്ന ഗൂഗിളിന്റെ ഇത്തരം ആപ്പുകള്‍ വളരെ സൂക്ഷമതയോടെ ഒഴിവാക്കണം.

ഈ മാസം ആദ്യമാണ് വാണാക്രൈ റാന്‍സംവെയര്‍ യുകെ ,റഷ്യ ഉള്‍പ്പടെയുള്ള രാജ്യങ്ങളിലെ വലിയ കമ്പ്യൂട്ടര്‍ ശ്യംഖലകളെ ബാധിച്ചത്.ബ്രിട്ടനിലെ ആരോഗ്യ മേഖല മുഴുവന്‍ ഒറ്റ ദിവസം കൊണ്ട് നിശ്ചലമായി.