ഊരൂട്ടമ്പലത്ത്,മുഖ്യനെ കണ്ടും കഥയിലലിഞ്ഞും കുരുന്നുകള്‍ പഠനത്തിലേക്ക്‌

സംസ്ഥാനത്തെ പൊതുവിദ്യാലയങ്ങളിലെ സ്‌കൂള്‍ പ്രവേശനോത്സവത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വ്വഹിച്ചു.

തിരുവനന്തപുരം ഊരൂട്ടമ്പലം സര്‍ക്കാര്‍ യുപി സ്‌കൂളില്‍ മുഖ്യമന്ത്രി പിണറായി വിജയനാണ് പ്രവേശനോത്സവം ഉദ്ഘാടനം ചെയ്തത്. കഴിഞ്ഞ അധ്യായന വര്‍ഷത്തേക്കാള്‍ ഒരു ലക്ഷം അധിക വിദ്യാര്‍ത്ഥികളാണ് ഇത്തവണ സര്‍ക്കാര്‍ സ്‌കൂളുകളില്‍ അധികമെത്തിയത്. സിബിഎസ്ഇ സ്‌കൂളുകളില്‍ നിന്നും മാറിവന്ന വിദ്യാര്‍ത്ഥികളാണ് എല്ലാ ക്ലാസ്സുകളിലുമായി പുതിയ പ്രവേശനം നേടിയത്. പാലക്കാട്, മലപ്പുറം,തൃശൂര്‍ എന്നീ ജില്ലകളിലാണ് കുട്ടികളുടെ എണ്ണത്തില്‍ വലിയ വര്‍ധന രേഖപ്പെടുത്തിയതായുള്ള കണക്കുകള്‍. വര്‍ണാഭമായ ചടങ്ങുകളോടെയാണ് പുതിയ വിദ്യാര്‍ത്ഥികളെ അധ്യാപകരും മുതിര്‍ന്ന വിദ്യാര്‍ത്ഥികളും ചേര്‍ന്ന് സ്വീകരിച്ചാനയിച്ചത്. കഥകള്‍ പറഞ്ഞുകൊണ്ടാണ് സംസ്ഥാന വിദ്യാഭ്യാസ മന്ത്രി പ്രൊഫസര്‍ സി രവീന്ദ്രനാഥ് കുട്ടികളെ സ്വീകരിച്ചത്.