ആര്‍ക്കും വേണ്ടാത്ത ശശി ,ബിജെപിയില്‍ ചേര്‍ന്നു

കേരളത്തില്‍ വേരുറപ്പിക്കുന്നതിന് ആരേയും സ്വാഗതം ചെയ്തു ബിജെപി.മുന്‍ സിപിഐ നേതാവ് വെഞ്ഞാറുമ്മൂട് ശശി ബിജെപിയില്‍ ചേര്‍ന്നു.സിപിഐയില്‍ നിന്നു ചാടി ആര്‍എസ്പിയിലും പിന്നെ ജനതാദള്‍ എസിലും രാഷ്ട്രീയം കളിച്ചിട്ടാണ് ശശി ബിജെപിയിലേക്ക് ചേക്കേറിയത്.ശക്തിയും ആവേശവുമുള്ള പാര്‍ട്ടിയില്‍ പ്രവര്‍ത്തിക്കാനാണ് ബിജെപിയിലെത്തിയതെന്നാണ് അദ്ദേഹം പറയുന്നത്.അധികാര രാഷ്ട്രീയത്തില്‍ ആകൃഷ്ടനായാണോ ശശിയുടെ പുതിയ ചേക്കേറല്‍ എന്നു വ്യക്തം.

ശനിയാഴ്ച ബിജെപി ദേശീയ പ്രസിഡന്റ് അമിത് ഷായുടെ സാന്നിധ്യത്തിൽ ചേർന്ന സൗഹൃദസംഗമത്തിൽ ശശി പങ്കെടുത്തിരുന്നു. അമിത് ഷാ ചടങ്ങിൽ ആദരിച്ചവരിലൊളായിരുന്നു അദ്ദേഹം. ഇത് ബിജെപിയിൽ ചേരുന്നതിന്റെ ഭാഗമായിട്ടായിരുന്നു. തുടർന്നു ബിജെപിയുടെ പുതിയ ആസ്ഥാനമന്ദിരത്തിന്റെ ശിലാസ്ഥാപനച്ചടങ്ങിലും പങ്കെടുത്തു. ബിജെപി സംസ്ഥാന പ്രസിഡന്റ് കുമ്മനം രാജശേഖരനെ കണ്ടു മറ്റു കാര്യങ്ങൾ തീരുമാനിക്കുമെന്നു ശശി അറിയിച്ചു

രണ്ടു വര്‍ഷത്തിനു ശേഷം നടക്കുന്ന ലോക്‌സഭാ തിരഞ്ഞെടുപ്പിന് മുന്നോടിയായി ദക്ഷിണേന്‍ഡ്യയില്‍ പ്രത്യേകിച്ച് കേരളത്തില്‍ വേരുറപ്പിക്കുന്നതിന് അമിത്ഷാ നടത്തുന്ന സന്ദര്‍ശനത്തിന്റെ ഭാഗമായി മറ്റു പാര്‍ട്ടികളിലെ നേതാക്കന്‍മാരേയുള്‍പ്പടെയുള്ളവരെ പാര്‍ട്ടിയിലെത്തിക്കാനുള്ള വലിയ അണിയറ നീക്കങ്ങളാണ് ബിജെപി നടത്തുന്നത്.