തലോടേണ്ട കരങ്ങള്‍കൊണ്ട് തലയ്ക്കടിച്ച് കൊലപ്പെടുത്തി

കര്‍ണാടകയില്‍ അമ്മ മകളെ തലക്കടിച്ചുകൊലപ്പെടുത്തി. 18 വയസുകാരിയായ മകളെ പ്രണയ ബന്ധത്തിന്റെ പേരില്‍ അമ്മ തന്നെ തലയ്ക്കടിച്ച് കൊലപ്പെടുത്തുകയായിരുന്നു. കേസില്‍ അമ്മയെ അറസ്റ്റ് ചെയ്തു. കര്‍ണാടക സ്വദേശി വെങ്കട്ടമ്മയാണ് മകളെ ക്രൂരമായി കൊന്നത്.

അയല്‍വാസിയായ യുവാവുമായി പ്രണയത്തിലായിരുന്നു മകള്‍. പഠനത്തില്‍ ശ്രദ്ധിക്കാതെ പ്രണയിച്ചു നടന്നതിനാല്‍ മകള്‍ പരീക്ഷയില്‍ തോറ്റു. ഇതാണ് കൊലപാതകത്തിലേക്ക് നയിച്ചതെന്നാണ് വെങ്കട്ടമ്മ പോലീസിന് മൊഴി നല്‍കിയത്. പ്രണയത്തിന്റെ പേരില്‍ സ്വന്തം മകളെ കൊലപ്പെടുത്തിയതറിഞ്ഞ് നാട്ടുകാരും പോലീസും ഞെട്ടി.

ഉത്തരേന്ത്യയില്‍ നിന്നായിരുന്നു മുന്‍പ് ഇത്തരം വാര്‍ത്തകള്‍ റിപ്പോര്‍ട്ട് ചെയ്തിരുന്നത്. എന്നാല്‍ കഴിഞ്ഞ ദിവസം തമിഴ്നാട്ടിലും ഇത്തരത്തില്‍ ദുരഭിമാന കൊല അരങ്ങേറിയിരുന്നു.