വിരമിക്കാന്‍ മണിക്കൂറുകള്‍ ബാക്കി,വിവാദ ജഡ്ജി ജസ്റ്റിസ് കര്‍ണ്ണന്‍ എവിടെ?

രാജ്യത്തെ പരമോന്നത നീതി പീഠത്തിനും പിടികൊടുക്കാതെ വിവാദ ജഡ്ജി വിരമിക്കല്‍ ദിനത്തിലും ഒളിസങ്കേതത്തില്‍.ഇനി രാജ്യത്തിനകത്തു തന്നെയുണ്ടോ അതോവിദേശത്തേക്ക് കടന്നോ എന്നൊന്നുനമാര്‍ക്കുമറിയില്ല.എന്തായാലും വിരമിക്കല്‍ ദിനത്തിലും ഒളിവില്‍ കഴിയുന്ന ആദ്യ എം പി എന്ന പേര് കര്‍ണ്ണന് സ്വന്തമാകും.ഒപ്പം സര്‍വ്വീസിലിരിക്കെ ജയിലിലായ ആദ്യ ജഡ്ജി എന്ന പേര് ഒഴിവായിക്കിട്ടുകയും ചെയ്യും.

സുപ്രീം കോടതി ജഡ്ജിമാരടക്കം പല പ്രമുഖര്‍ക്കെതിരെയും അഴിമതി ആരോപണങ്ങള്‍ ഉന്നയിച്ചാണ് കര്‍ണന്‍ വാര്‍ത്തകളില്‍ നിറയുന്നത്. വന്‍ വിവാദങ്ങള്‍ സൃഷ്ടിച്ച സംഭവത്തില്‍ കര്‍ണ്ണന്റെ മനോനില പരിശോധിക്കാന്‍ സുപ്രീം കോടതി ഉത്തരവിട്ടിരുന്നു. എന്നാല്‍ ചീഫ് ജസ്റ്റിസിന്റെ മനോനിലയാണ് പരിശോധിക്കേണ്ടതെന്നും തനിക്ക് യാതൊരു കുഴപ്പവുമില്ലെന്നും അദ്ദേഹം തിരിച്ചടിച്ചിരുന്നു. ചീഫ് ജസ്റ്റിസിനെതിരെ അറസ്റ്റ് വാറണ്ടും പുറപ്പെടുവിച്ചു. ഇതിന് പിന്നാലെയാണ് കോടതിയലക്ഷ്യ കേസില്‍ കര്‍ണനെ ആറുമാസത്തെ ജയില്‍ ശിക്ഷ വിധിച്ചതിനെ തുടര്‍ന്നാണ് അദ്ദേഹം ഒളിവില്‍ പോയത്. കഴിഞ്ഞ മെയ് 10 മുതല്‍ ഒളിവില്‍ കഴിയുന്ന അദ്ദേഹം എവിടെയാണെന്നുള്ളതിന് ഇതുവരെ യാതൊരു സൂചനയും ലഭിച്ചിട്ടില്ല.