കേരളത്തിനൊരു ബിജെപി മുഖ്യമന്ത്രി?ആഗ്രഹം ബിജെപി ആസ്ഥാന മന്ദിര രൂപരേഖയില്‍

ബിജെപി ദേശീയ അധ്യക്ഷന്‍ തറക്കല്ലിട്ട ബിജെപി ആസ്ഥാന മന്ദിരത്തിന്റെ രൂപരേഖയില്‍ മുഖ്യമന്ത്രിയുടെ ഓഫീസും.സംസ്ഥാനം ഭരിക്കുക എന്ന ഭാരതീയ ജനതാ പാര്‍ട്ടിയുടെ ലക്ഷ്യം വ്യക്തമാക്കിയാണ് കെട്ടിടത്തിന്റെ പ്ലാന്‍ വരച്ചിരിക്കുന്നത്.ഉത്തരേന്‍ഡ്യന്‍ സംസ്ഥാനങ്ങളില്‍ മോദി പ്രഭാവം അലയടിക്കുമ്പോഴും ദക്ഷിണേന്‍ഡ്യന്‍ സംസ്ഥാനങ്ങളില്‍ പ്രത്യേകിച്ച് രാഷ്ട്രീയ കാര്യങ്ങളില്‍ മുന്‍പന്തിയില്‍ നില്‍ക്കുന്ന കേരളത്തില്‍ മോദിയും ബിജെപിയും കാര്യമായി ജനങ്ങളെ സ്വാധീനിക്കുന്നില്ല.എന്നാല്‍ കഴിഞ്ഞ നിയമസഭാ തിരഞ്ഞെടുപ്പില്‍ ഒരാളെ വിജയിപ്പിക്കാന്‍ കഴിയുകയും സുരേന്ദ്രനെ രണ്ടാം സ്ഥാനത്ത് എത്തിക്കാന്‍ കഴിയുകയും ചെയ്തതോടെ സംസ്ഥാനത്ത് ആഞ്ഞു ശ്രമിച്ചാല്‍ ഭരണത്തിലെത്താന്‍ കഴിയുമെന്ന പൂര്‍ണ വിശ്വാസത്തിലാണ് ബിജെപി നേതൃത്വം

തമ്പാനൂര്‍ അരിസ്റ്റോ ജംങ്ഷനിലെ മാരാര്‍ജി ഭവന്‍ പൊളിച്ചാണ് ഏഴു നിലകളുള്ള കെട്ടിടം പണിയുന്നത്.കെട്ടിടത്തിന്റെ ഒന്നാം നിലയില്‍ തന്നെ സംസ്ഥാന അധ്യക്ഷന്റെയും മുഖ്യമന്ത്രിയുടെയും ഓഫീസുള്‍പ്പെടുത്തിയാണ് കെട്ടിടത്തിന്റെ രൂപരേഖ തയ്യാറാക്കിയിരിക്കുന്നത്. കഴിഞ്ഞ മാസം അമിത്ഷായുടെ കേരള സന്ദര്‍ശനത്തോടെ ലോക്‌സഭാ തിരഞ്ഞെടുപ്പ് മുന്നില്‍ കണ്ടുള്ള പ്രവര്‍ത്തനമാണ് ബിജെപി നടത്തേണ്ടതുണ്ടെന്ന് ആഹ്വാനം ചെയ്തിരുന്നു