വേദിയില്‍ നിന്നൊഴിവാക്കിയത് ഇ ശ്രീധരനെ രാഷ്ട്രപതി സ്ഥാനാര്‍ത്ഥിയാക്കാന്‍?

കൊച്ചി മെട്രോ ഉദ്ഘാടന വിവാദങ്ങള്‍ക്കിടയില്‍ മെട്രോമാന്‍ എന്നറിയപ്പെടുന്ന ഇ ശ്രീധരന്‍ എന്‍ഡിഎയുടെ രാഷ്ട്രപതി സ്ഥാനാര്‍ത്ഥിയായേക്കുമെന്ന് ദേശീയമാധ്യമമായ ഇന്‍ഡ്യാ റ്റുടേ റിപ്പോര്‍ട് ചെയ്യുന്നു.ഇതാണത്രേ അദ്ദേഹത്തെ മെട്രോ ഉദ്ഘാടന വേദിയില്‍ നിന്നു മാറ്റി നിര്‍ത്തിയതെന്നാണ് റിപ്പോര്‍ട്ടില്‍ പറയുന്നത്.കേന്ദ്ര മന്ത്രി സുഷമാ സ്വരാജ്,ബിജെപി മുതിര്‍ന്ന നേതാവ് എല്‍ കെ അദ്വാനി എന്നിവര്‍ക്കൊപ്പം ബിജെപി പരിഗണിക്കുന്ന പേരുകളിലൊന്നാണ് ഇ ശ്രീധരന്റേത്.

രാഷ്ട്രപതി സ്ഥാനാര്‍ത്ഥിയെ പ്രഖ്യാപിക്കാന്‍ ദിവസങ്ങള്‍ മാത്രം ബാക്കി നില്‍ക്കെ ഇ ശ്രീധരന്‍ തനിക്കൊപ്പം വേദി പങ്കിടുന്നത് ഉചിതമല്ലെന്ന് പ്രധാനമന്ത്രി കരുതുന്നു.ഇക്കാര്യത്തെ കുറിച്ച് സൂചനയുള്ള ശ്രീധരനും അതുകൊണ്ടാണത്രേ കാര്യമായ പ്രതിഷേധം രേഖപ്പെടുത്താതിരുന്നതെന്നാണ് ഇന്‍ഡ്യാ റ്റുഡേ റിപ്പോര്‍ട്ട് ചെയ്യുന്നത്

ജാര്‍ഖണ്ഡില്‍ നിന്നുള്ള ആദിവാസി നേതാവ് ദ്രൗപദി മോമു,ധനമന്ത്രി അരുണ്‍ ജെയ്റ്റിലി,സുമിത്രാ മഹാജന്‍,സുഷമാ സ്വരാജ് എന്നിവരെ ആയിരുന്നു ആദ്യ ഘട്ടത്തില്‍ രാഷ്ട്രപതി സ്ഥാനാര്‍ത്ഥികളായി ബിജെപി പരിഗണിച്ചിരുന്നത്.ജെയ്റ്റ്‌ലി വിസമ്മതമറിയിച്ചതോടെ ഇ ശ്രീധരനെ പരിഗണിക്കുന്ന പട്ടികയിലുള്‍പ്പെടുത്തിയെന്നാണ് സൂചന