കള്ളപ്പണത്തിനെതിരെ കള്ളനോട്ടടിച്ച് സമരം,ബിജെപി നേതാവിനെ പാര്‍ട്ടി പുറത്താക്കി

കള്ളപ്പണ മുന്നണികള്‍ക്കെതിരെ ശോഭാ സുരേന്ദ്രന്‍ നയിച്ച സമരപരിപാടികളില്‍ മുന്‍നിരയില്‍ നിന്ന കൊടുങ്ങല്ലൂര്‍ ശ്രീനാരായണപുരം അഞ്ചാംപരത്തില്‍ സ്വദേശിയും യുവജനവിഭാഗം നേതാവുമായ എരാശേരി രാകേഷ് കള്ളനോട്ട് അച്ചടിച്ച കേസില്‍ പൊലീസ് അസ്റ്റു ചെയ്തതിനെ തുടര്‍ന്ന് ഇയാളെ ബിജെപിയില്‍ നിന്ന് പുറത്താക്കി.ഒളിവിലുള്ള ഇയാളുടെ സഹോദരന്‍ ഒബിസി മോര്‍ച്ച സെക്രട്ടറി രാജീവിനെയും പാര്‍ട്ടിയില്‍ നിന്ന് പുറത്താക്കി.എസ് എന്‍ പുരം കിഴക്കന്‍ മേഖലാ കമ്മിറ്റി യുവമോര്‍ച്ചയുടെ പ്രസിഡന്റാണ് അറസ്റ്റിലായ രാകേശ്ഇയാളുടെ വീട്ടില്‍ നിന്ന് 1.37 ലക്ഷം രൂപയുടെ കള്ളനോട്ടും നോട്ടച്ചിടിക്കുന്ന യന്ത്രങ്ങളും പൊലീസ് ഇയാളുടെ വീട്ടില്‍ നിന്ന് പൊലീസ് പിടിച്ചെടുത്തിരുന്നു.

എന്നാല്‍ പ്രമുഖ സംസ്ഥാന നേതാക്കള്‍ക്കൊപ്പമുള്ള ഇയാളുടെ പടങ്ങള്‍ സാമൂഹ്യ.മാധ്യമങ്ങളില്‍ പ്രചരിക്കുന്നത് പാര്‍ട്ടിക്കാകെ നാണക്കേടായിരിക്കുകയാണ്.കള്ളപ്പണത്തിനും കള്ളപ്പണ മുന്നണികള്‍ക്കുമെതിരെ ആഞ്ഞടിച്ച പാര്‍ട്ടിയുടെ യുവജനവിഭാഗം നേതാവിന്റെ പ്രവര്‍ത്തി ദേശീയ തലത്തില്‍ തന്നെ നാണക്കേടായേക്കാം.ബിജെപിയ്‌ക്കെതിരെയുള്ള ശക്തമായ ആയുധമായി സിപിഎം പ്രവര്‍ത്തകര്‍ ഇതിനെ ഉപയോഗിക്കും

എന്നാല്‍ ബിജെപിയുടെ സൈബര്‍ പോരാളികളാരും ഇയാള്‍ക്കു വേണ്ടി രംഗത്തു വന്നിട്ടില്ലെന്നതും,മറിച്ച് ഇവരില്‍ പലരും ഇയാളെ നിശിതമായി വിമര്‍ശിച്ച് സാമൂഹ്യമാധ്യമത്തില്‍ പോസ്റ്റിടുകയും ചെയ്തു എന്നത് ശ്രദ്ധേയമാണ്.

ജില്ലയില്‍ വ്യാപകമായി നടത്തിയ ഓപ്‌റേഷന്‍ കുബേരയുടെ ഭാഗമായാണ് കള്ളനോട്ട് കണ്ടെടുത്തത്.അറസ്റ്റിലായ യുവമോര്‍ച്ച നേതാവ് പലിശയ്ക്കു പണം നല്‍കുന്നതായി സൂചന ലഭിച്ചതിനെ തുടര്‍ന്നായിരുന്നു റെയ്ഡ് നടന്നത്.

എ ഫോര്‍ ബോണ്ട് ടൈപ്പ് പേപ്പറില്‍ തയാറാക്കിയിരുന്ന നോട്ടുകളുടെ മോഡലുകള്‍ കളര്‍ പ്രിന്റ് എടുത്താണ് ഉപയോഗിച്ചിരുന്നത്. ലാപ്‌ടോപ്പിലാണു നോട്ട് ഡിസൈന്‍ ചെയ്തിരുന്നത്. ഇരുനില വീടിന്റെ മുകള്‍നിലയില്‍ രഹസ്യമുറിയിലാണു കള്ളനോട്ട് നിര്‍മിച്ചിരുന്നത്. നോട്ട് അച്ചടിക്കാനുള്ള യന്ത്രവും മഷിയും പേപ്പറും സ്‌കാനറും ഇതു മുറിച്ചെടുക്കാനുള്ള കട്ടറും സ്‌കെയിലും ഇവിടെനിന്നു പിടിച്ചെടുത്തു.