യു എ ഇ യില്‍ വാട്‌സ് അപ് കോളുകള്‍ കിട്ടി/കിട്ടിയില്ല

യുഎഇയില്‍ വാട്‌സ് അപ് കോളുകള്‍ നിയമവിധേയമാക്കിയിട്ടില്ലെന്ന് ടെലികോം അതോറിറ്റി. ഇന്നലെ രാവിലെ മുതലാണ് വാട്‌സ്അപ് സൗജന്യകോളുകള്‍ യുഎഇയില്‍ ലഭ്യമായത്.ഇത് മനസിലാക്കി പ്രവാസികള്‍ വാട്‌സ് അപ് വഴി നാട്ടിലേക്ക് കോളുകള്‍ ചെയ്യുകയും ചെയ്തിരുന്നു.

രാവിലെ മുതല്‍ പലര്‍ക്കും നാട്ടിലേക്ക് വാട്ട്‌സ് ആപ്പിലൂടെ സൗജന്യമായി വിളിക്കാന്‍ കഴിഞ്ഞു. ടെലികോം കമ്ബനികളുടെ പെരുന്നാള്‍ സമ്മാനമായിരിക്കും എന്നാണ് പലരും കരുതിയത്.

യുഎഇയില്‍ വാട്ട്‌സ്ആപ്പ് കോള്‍ നിയമവിധേയമാക്കി എന്നവിധം സോഷ്യല്‍ മീഡിയയില്‍ വാര്‍ത്തകളും പരന്നു. ഈ സാഹചര്യത്തിലാണ് ടിആര്‍എ വിശദീകരണം നല്‍കിയത്.

ഇന്റര്‍നെറ്റ് വോയ്‌സ് പ്രോട്ടോകോളുമായി ബന്ധപ്പെട്ട നിയമത്തില്‍ യാതൊരുമാറ്റവും വന്നിട്ടില്ല എന്നായിരുന്നു അറിയിപ്പ്. എങ്കിലും പലര്‍ക്കും വ്യക്തത കുറവോടെ ഇപ്പോഴും വാട്ട്‌സ്ആപ്പിലൂടെ മറ്റുള്ളവരുമായി സംസാരിക്കാന്‍ കഴിയുന്നുണ്ട്. എന്നാല്‍ എത്തിസലാത്ത്, ഡു എന്നീ ടെലികോം കമ്ബനികളാണ് നിലവില്‍ യുഎഇയില്‍ ഇന്റര്‍നെറ്റും മൊബൈല്‍ നെറ്റ്വര്‍ക്കും നല്‍കുന്നത്.

ഇതില്‍ രണ്ടിലും വാട്‌സ്ആപ്പ് കോളിന് കഴിയുന്നുണ്ടെന്നാണ് പ്രവാസികള്‍ പറയുന്നത്.