കാര്‍ട്ടോസാറ്റ് 2 ഉം 30 ഉപഗ്രഹങ്ങളും കുതിച്ചുയര്‍ന്നു: ഐഎസ്ആര്‍ഒ നേട്ടത്തിന്റെ നെറുകയില്‍

ഇന്‍ഡ്യയുടെ കാര്‍ട്ടോസാറ്റ് 2ഉം 31 വിദേശ ഉപഗ്രഹങ്ങളുമടക്കം,ഐഎസ്ആര്‍ഒയുടെ പിസ്എല്‍വി-38 ഉപയോഗിച്ചു നടത്തിയ വിക്ഷേപണം വിജയകരം.ഇന്ന് രാവിലെ 9.39 ന് സതീശ് ധവാന്‍ സ്‌പേസ് സെന്റില്‍ നിന്നായിരുന്നു വിക്ഷേപണം.

ഇന്‍ഡ്യയുടെ ഭൗമ നിരീക്ഷണ ഉപഗ്രഹമായ കാര്‍ട്ടോസാറ്റ് നിരയിലെ ആറാമത്തേതാണ് ഇന്ന് വിക്ഷേപിച്ചത്.അതോടെ കാലാവസ്ഥാ നിരീക്ഷണത്തിലും ദുരന്തനിവാരണത്തിലും ഇന്‍ഡ്യയ്ക്ക് കൂടുതല്‍ ഫലപ്രദമായ തീരുമാനങ്ങളെടുക്കാനുള്ള സാധ്യതയാണ് കൈവരുന്നത്.അതിര്‍ത്തിയില്‍ പാക്കിസ്ഥാനെതിരെ നടത്തിയ മിന്നലാക്രമണത്തില്‍ കാര്‍ട്ടോസാറ്റ് ഉപഗ്രഹമായിരുന്നു ഇന്‍ഡ്യന്‍ സൈന്യത്തിന് തുണയായത്.712 കിലോഗ്രാമാണ് കാര്‍ട്ടോസാറ്റ് ഉപഗ്രഹത്തിന്റെ തൂക്കം

ഇതു കൂടാതെ 29 വിദേശ ഉപഗ്രഹങ്ങളും ഒരു നാനോ ഉപഗ്രഹവും പിഎസ്എല്വിങ സി 38 ബഹിരാകാശത്ത് എത്തിക്കുന്നതിലുണ്ട്. യുഎസ്, യുകെ, ഓസ്ട്രിയ, ബെൽജിയം, ചിലെ, ചെക് റിപ്പബ്ലിക്, ഫിൻലൻഡ്, ഫ്രാൻസ്, ജർമനി, ഇറ്റലി, ജപ്പാൻ, ലാത്‌വിയ, ലിത്വാനിയ, സ്ലോവാക്യ തുടങ്ങി 14 രാജ്യങ്ങളുടെ 29 ഉപഗ്രഹങ്ങളാണ് ഐഎസ്ആർഒ ഭ്രമണപഥത്തിലെത്തിക്കുക. 248 കിലോയാണു വിദേശരാജ്യങ്ങളിൽനിന്നുള്ള ഉപഗ്രഹങ്ങളുടെ ആകെ ഭാരം