കോട്ടയം അറുപറയിൽ നിന്ന് കാണാതായ ദമ്പതികൾക്കായി മീനച്ചിലാറ്റിൽ തിരച്ചിൽ തുടരുന്നു

കോട്ടയം അറുപറയിൽ നിന്ന് കാണാതായ ദമ്പതികൾക്കായി മീനച്ചിലാറ്റിൽ തിരച്ചിൽ തുടരുന്നു.കവണാററ്റിൻകര,വെമ്പള്ളി,ചെങ്ങളം ഭാഗങ്ങളിലായി സിഡാക്കും പൊലീസും സംയുക്തമായാണ് തിരച്ചിൽ നടത്തുന്നത്.

മീനച്ചിലാറ്റിലും കവണാറിലും അടുത്ത ദിവസങ്ങളിൽ പരിശോധന തുടരും.നേരത്തേ നേവി താഴത്തങ്ങാടിയിൽ പരിശോധന നടത്തിയിരുന്നതിനാൽ ആ ഭാഗത്ത് തൽക്കാലം പരിശോധയ്ക്കണ്ടന്നാണ് പൊലീസിന്റെ തീരുമാനം അത്യാധുനിക ക്യാമറ അടക്കം വിവിധ നിരീക്ഷണ സംവിധാനങ്ങളുള്ള റിമോട്ട് ലി ഓപ്പറേറ്റഡ് അണ്ടര്‍വാട്ടര്‍ വെഹിക്കിള്‍ ഉപയോഗിച്ചാണ് തെരച്ചില്‍.

ആദ്യ ദിവസം കുമരകം കൈപ്പുഴമുട്ട് പാലത്തിന് സമീപം പുഴയുടെ അടിത്തട്ട് പരിശോധിച്ചു. വാഹനം നിയന്ത്രണം വിട്ട് ജലത്തില്‍ പതിക്കാന്‍ സാധ്യതയുള്ള സ്ഥലങ്ങള്‍ നേരത്തെ ജില്ലാ പോലീസ് തയാറാക്കിയിരുന്നു. ഇങ്ങനെ കണ്ടെത്തിയിരിക്കുന്ന പതിനഞ്ചോളം സ്ഥലങ്ങളിലാകും ഈ ഉപകരണത്തിന്റെ സഹായത്തോടെ വാഹനം അടിത്തട്ടില്‍ മുങ്ങിക്കിടപ്പുണ്ടോയെന്ന് തിരയുക.

അറുപറ ഒറ്റക്കണ്ടത്തില്‍ ഹാഷിം(42), ഭാര്യ ഹബീബ (37) എന്നിവരെ ഏപ്രില്‍ ആറിനാണ് കാണാതായത്. രാത്രി ഭക്ഷണം വാങ്ങാനായി കാറില്‍ പുറത്തുപോയ ഇവരെക്കുറിച്ച് പിന്നീട് വിവരമൊന്നുമില്ലാതാകുകയായിരുന്നു. ബന്ധുക്കളുടെ പരാതിയുടെ അടിസ്ഥാനത്തില്‍ രാജ്യത്തിന്റെ വിവിധ ഭാഗങ്ങളില്‍ പ്രത്യേകസംഘങ്ങളായി തിരിഞ്ഞ് പോലീസ് അന്വേഷണം നടത്തിവരികയാണെങ്കിലും രണ്ടുമാസത്തിനുശേഷവും വിവരമൊന്നുമില്ല. നിലവില്‍ രണ്ട് സംഘങ്ങള്‍ തമിഴ് നാട്ടിലും ഒരുസംഘം തെലുങ്കാനയിലും തെരച്ചില്‍ നടത്തിവരികയാണ്.

മാനസീകാകസ്വാസ്ഥ്യമുള്ള ഇരുവരും ഏതെങ്കിലും മാനസീക രോഗാശുപത്രിയിലെത്തിയിട്ടുണ്ടോയെന്നും പൊലീസ് അന്വേഷിക്കുന്നുണ്ട്.നാടു വിട്ട് അന്യരാജ്യത്തേയ്ക്കു പോകാനുള്ള സാധ്യതയും പൊലീസ് തേടിയിട്ടുണ്ട്‌