കൊടുംങ്ങല്ലൂരിലെ കള്ളനോട്ട് അച്ചടി കേസ്:രണ്ടാം പ്രതി ഒബിസി മോര്‍ച്ച നേതാവ് അറസ്റ്റില്‍

കൊടുങ്ങല്ലൂരില്‍ കള്ളനോട്ട് അച്ചടി കേസില്‍ രണ്ടാം പ്രതിയും ഒബിസി മോര്‍ച്ച നേതാവും രണ്ടാം പ്രതിയുമായ ഏരാച്ചേരി രാജീവിനെ പൊലീസ് അറസ്റ്റു ചെയ്തു.സംഭവവുമായി ബന്ധപ്പെട്ട് ഒളിവിലായിരുന്ന രാജീവിനെ മണ്ണൂത്തിയിലെ സുഹൃത്തിന്റെ വീട്ടില്‍ നിന്നാണ് പിടികൂടിയത്.ഇയാളെ ഇരിഞ്ഞാലക്കുട ഡിവൈഎസ്പി ഓഫീസില്‍ എത്തിച്ച് ചോദ്യം ചെയ്തു വരികയാണ്‌

കേസില്‍ നേരത്തേ അറസ്റ്റിലായ യുവമോര്‍ച്ച നേതാവ് രാകേഷിന്റെ സഹോദരനാണ് രാജീവ്.

കള്ളനോട്ട് വിതരണവുമായി ബന്ധപ്പെട്ട് ഇവര്‍ക്ക് പിന്നില്‍ വലിയൊരു സംഘമുണ്ടെന്നാണ് പോലീസിന്റെ നിഗമനം. രണ്ടു സംഘങ്ങളായി തിരിഞ്ഞാണ് പോലീസ് അന്വേഷണം നടത്തുന്നത്. കഴിഞ്ഞ ദിവസം ഒന്നര ലക്ഷം രൂപയുടെ കള്ളനോട്ടുകളാണ് പോലിസ് രാകേഷിന്റെ വീട്ടില്‍നിന്നും പിടിച്ചെടുത്തിരുന്നത്.