”മുഖ്യമന്ത്രിയെയാണ് എനിക്കു വിശ്വാസം”:ജോയ് മാത്യു

നടി ആക്രമിക്കപ്പെട്ട സംഭവത്തില്‍ നടനും സംവിധായകനുമായ ജോയ് മാത്യുവും പ്രതികരണവുമായി രംഗത്ത്.സാമൂഹ്യ വിഷയങ്ങളില്‍ കൃത്യമായി പ്രതികരിക്കുന്ന ജോയ് മാത്യു,മുഖ്യമന്ത്രിയെയും ഭരണത്തെയും വിമര്‍ശിക്കാന്‍ മാത്രം പലപ്പോഴും വ്യഗ്രത കാട്ടുന്നു എന്നും സിനിമയിലെ ഇപ്പോഴത്തെ സംഭവ വികാസങ്ങളോട് പ്രതികരിക്കാതിരിക്കുന്നത് സിനിമയില്‍ അവസരങ്ങള്‍ കുറയുമെന്നു കരുതിയാണെന്നുമുള്ള വിമര്‍ശനങ്ങളള്‍ക്കുള്ള മറുപടിയുമായാണ് ജോയ് മാത്യുവിന്റെ ഫേസ് ബുക് പോസ്റ്റ്.നടി അക്രമിക്കപ്പെട്ട കേസില്‍ ഗൂഡാലോചന നടന്നിട്ടില്ലെന്നു ആദ്യം പറഞ്ഞ മുഖ്യമന്ത്രിയോടൊപ്പമാണ് താനെന്നും അദ്ദേഹം പോസ്റ്റില്‍ പറയുന്നു

ഫേസ് ബുക്ക് പോസ്റ്റിന്റെ പൂര്‍ണരൂപം

------------------------------- സിനിമയില്‍ ജോലിയെടുക്കുന്നു എന്നതുകൊണ്ടും സാമൂഹ്യ വിഷയങ്ങളില്‍ പ്രതികരിക്കുന്ന ആള്‍ എന്നതുകൊണ്ടും സിനിമാ മേഖലയില്‍ ഇപ്പോള്‍ നടക്കുന്ന സംഭവ വികാസങളോട് പ്രതികരിക്കാതെ ഞാന്‍ മൗനം പാലിക്കുന്നത് ആരെയൊ രക്ഷിക്കാനോ ശിക്ഷിക്കനോ അല്ലെങ്കില്‍ സിനിമയില്‍ അവസരങ്ങളോ സൗഹ്രദങ്ങളോ നഷ്ടപ്പെടുമെന്നു കരുതിയാണെന്നും മുഖ്യമന്ത്രിയെയും ഭരണത്തെയും വിമര്‍ശിക്കാന്‍ മാത്രമാണു ഞാന്‍ ഉത്സാഹം കാണിക്കുന്നതെന്നും പലരും പരാതിപ്പെടുന്നു; വിമര്‍ശിക്കുന്നു- എന്നാല്‍ ഒരു കാര്യം ഞാന്‍ ആവര്‍ത്തിച്ചു പറയട്ടെ, എനിക്ക് നമ്മുടെ അഭ്യന്തരമന്ത്രി കൂടിയായ മുഖ്യമന്ത്രിയെയാണു വിശ്വാസം - അദ്ദേഹം ആദ്യമേ പറഞ്ഞിരുന്നല്ലോ ഇതില്‍ 'ഗൂഡാലോചന നടന്നിട്ടില്ലെന്ന്' ഞാനത് വിശ്വസിക്കുന്നു അദ്ദേഹം അതില്‍ ഉറച്ചു നില്‍കുന്ന കാലത്തോളം ഞാനും അത് തന്നെ വിശ്വസിക്കും അതല്ലേ അതിന്റെ ശരി?