പൊലീസ് റെയ്ഡില്‍ എന്താണ് കാവ്യാ മാധവന്റെ ലക്ഷ്യയില്‍ സംഭവിച്ചത്

ഉണ്ണികൃഷ്ണന്‍

കൊച്ചി : കാവ്യയുടെ ഓണ്‍ലൈന്‍ ഷോപ്പ് എന്ന പേരില്‍ പ്രസിദ്ധമായ ലക്ഷ്യയിലെ പൊലീസ് നടത്തിയത് മൊഴിയെ തുടര്‍ന്നുള്ള പരിശോധന. കാക്കനാട്ടെ ഒരു വീട്ടില്‍ പ്രവര്‍ത്തിക്കുന്ന സ്ഥാപനത്തില്‍ പൊലീസ് എത്തിയതിനെ തുടര്‍ന്ന് എന്ത് സംഭവിച്ചു ഹെഡ് ലൈന്‍കേരള പരിശോധിക്കുന്നു

കക്കനാട്ട് പ്രവര്‍ത്തിക്കുന്ന ലക്ഷ്യ എന്ന സ്ഥാപനത്തിന്റെ ഓഫീസിലേക്ക് ആലുവ എസ് പി ഓഫീസില്‍ നിന്നുള്ള നിര്‍ദ്ദേശം അനുസരിച്ച് രണ്ട് പൊലീസ് ഉദ്യോഗസ്ഥര്‍ എത്തുന്നു.

അവിടെ എത്തിയ ഉദ്യോഗസ്ഥര്‍ തങ്ങള്‍ക്ക് കടയിലെ സി സി ടിവി ഉണ്ടെങ്കില്‍ അതില്‍ നിന്ന് കുറച്ചു ദിവസങ്ങളുടെ വിഷ്വല്‍ വേണമെന്ന ആവശ്യം ഉന്നയിക്കുന്നു.

വിവാദമായ നടിയുടെ കേസുമായി ബന്ധപ്പെട്ട് ദിലീപ് നല്‍കിയ കത്തില്‍ പ്രതിപാദിച്ചിരിക്കുന്ന കാക്കനാട്ടെ കട എന്ന കാരണത്തിന്റെ പുറത്താണ് തങ്ങളുടെ പരിശോധന എന്ന് ഈ ഉദ്യോഗസ്ഥര്‍ കടയിലെ ചുമതലക്കാരെ അറിയിക്കുന്നു.

കത്തിന്റെ നിജസ്ഥിതിയും ഗൂഡാലോചനയും അന്വേഷിക്കുന്നതിനുവേണ്ടിയുള്ള പരിശോധന ആണന്നും പൂര്‍ണ്ണമായും സഹകരണിക്കണം എന്ന ആവശ്യമാണ് ഉദ്യോഗസ്ഥര്‍ പറയുന്നത്.

കടയിലെ അകത്തമുറിയിലെ കപ്യൂട്ടര്‍ റൂമില്‍ നിന്ന് പൊലീസ് ഉദ്ോഗസ്ഥരുടെ സാന്നിധ്യത്തില്‍ അവര്‍ പറഞ്ഞ മുഴുവന്‍ വിവരങ്ങളും റെക്കാഡ് ചെയ്തു നല്‍കുന്നു. കപ്യൂട്ടറില്‍ പൊലീസ് പരിശോധന നടത്തിയ ശേഷം ആവശ്യമായ മുഴുവന്‍ വിവരങ്ങളുമായി മടങ്ങുന്നു.

അതിനുശേഷം മണിക്കൂറുകള്‍ക്ക് ശേഷം തങ്ങള്‍ക്ക് ഗൗരവകരമായി ഒന്നും കണ്ടത്താന്‍ സാധിച്ചിട്ടില്ലന്നും ന്‍ നിങ്ങളുടെ ജോലികളുമായി മുന്നോട്ടു പൊയ്ക്കൊള്ളാനും കടയിലെ ജീവനക്കാര്‍ക്ക് പൊലീസില്‍ നിന്ന് അറിയിപ്പ് ലഭിക്കുന്നു.