‘മാധ്യമങ്ങളെ വിശ്വസിച്ച് പോരുന്നവര്‍ ദയവായി ഈ വീഡിയോ കാണരുത്’; നാദിര്‍ഷ

മാധ്യമങ്ങളെ രൂക്ഷഭാഷയില്‍ വിമര്‍ശിച്ച് നടനും സംവിധായകനുമായ നാദിര്‍ഷ.നടി ആക്രമിക്കപ്പെട്ട സംഭവത്തില്‍ കേസന്വേഷണം പുരോഗമിക്കുമ്പോഴാണ് മാധ്യമങ്ങളുടെ നിലപാടിനെ വിമര്‍ശിച്ച് നാദിര്‍ഷ,വീഡിയോ സഹിതം ഫേസ് ബുക്കില്‍ കുറിപ്പിട്ടിരിക്കുന്നത്.

'മാധ്യമങ്ങളേ വിശ്വസിച്ച് പോരുന്നവര്‍ ദയവ് ചെയ്ത് ഈ വീഡിയോ കാണരുത്. അതല്ല പോലീസിലും, ഇവിടുത്തെ അന്വേഷണ രീതിയും ആണ് നിങ്ങള്‍ ഉറ്റ് നോക്കുന്നതെങ്കില്‍ ആലുവ റൂറല്‍ എസ്.പി ഈ പറയുന്ന വാക്കുകള്‍ കേള്‍ക്കുക. മാധ്യമങ്ങള്‍ ഇവിടെ എന്താണ് ചെയ്യുന്നതെന്ന് ചിലര്‍ക്കിങ്കിലും അപ്പോള്‍ മനസ്സിലാകും.'-നാദിര്‍ഷ പറയുന്നു

കേസുമായി ബന്ധപ്പെട്ട് കഴിഞ്ഞ ദിവസം ആലുവ പൊലീസ് ക്ലബ്ബില്‍ വിളിച്ചു വരുത്തി ദിലീപിന്റെയും നാദിര്‍ഷായുടെയും മൊഴിയെടുത്തിരുന്നു.തുടര്‍ന്ന് വീണ്ടും ഇരുവരെയും പൊലീസ് ആസ്ഥാനത്തേയ്ക്ക് വിളിപ്പിച്ച് ചോദ്യം ചെയ്യാനുള്ള സാധ്യതയുണ്ടെന്ന തരത്തിലാണ് വാര്‍ത്തകള്‍ പ്രചരിക്കുന്നത്.ഇതിനെതിരെയാണ് നാദിര്‍ഷയുടെ ഫേസ്ബുക് പോസ്റ്റ്‌