കൂര്‍ഗ്‌ വാലി റിവര്‍വ്യൂ പാര്‍ക്കിന്റെ നിര്‍മ്മാണം ടൂറിസം വകുപ്പ്‌ ഉപേക്ഷിച്ചു

അഞ്ചുകോടിയോളം രൂപചെലവില്‍ ഇരിട്ടിയില്‍ അനുവദിച്ച കൂര്‍ഗ്‌ വാലി റിവര്‍വ്യൂ പാര്‍ക്കിന്റെ നിര്‍മ്മാണം ടൂറിസം വകുപ്പ്‌ ഉപേക്ഷിച്ചു. ജില്ലാ ടൂറിസം പ്രമോഷന്‍ കൗണ്‍സിലിന്റെ നേതൃത്വത്തില്‍ നടപ്പിലാക്കുന്ന പദ്ധതി പഴശ്ശി ജലസേചന വകുപ്പിന്റെ അധീനതയിലുള്ള പ്രദേശത്തായിരുന്നു നടപ്പാക്കാനിരുന്നത്‌.

പദ്ധതിക്ക്‌ ജലസേചന വിഭാഗം അനുമതി നല്‍കിയിരുന്നില്ല. പദ്ധതി പ്രദേശത്ത്‌ ഒരുതരത്തിലുള്ള നിര്‍മ്മാണ പ്രവൃത്തിയും അനുവദിക്കില്ലെന്ന്‌ ജലസേചനവിഭാഗം ബന്ധപ്പെട്ടവരെ അറിയിച്ചെങ്കിലും അതൊന്നും പരിഗണിക്കാതെ പദ്ധതിയുമായി മുന്നോട്ടുപോകാനായിരുന്നു ടൂറിസം വകുപ്പിന്റെ അന്നത്തെ തീരുമാനം. കഴിഞ്ഞ യു.ഡി.എഫ്‌ സര്‍ക്കാറിന്റെ കാലത്താണ്‌ പദ്ധതിക്ക്‌ അനുമതി ലഭിച്ചതും നിര്‍മ്മാണോദ്‌ഘാടനം നടത്തിയതും. പാര്‍ക്കിന്റെ നിര്‍മ്മാണ പ്രവൃത്തി ഉദ്‌ഘാടം നടത്തിയിട്ട്‌ രണ്ട്‌ വര്‍ഷം കഴിഞ്ഞെങ്കിലും തുടര്‍ പ്രവര്‍ത്തനങ്ങളൊന്നും ഉണ്ടായില്ല.