വന്ദേമാതരം’ ആലപിക്കാത്തവര്‍ ദേശവിരുദ്ധരല്ലെന്ന് കേന്ദ്രമന്ത്രി മുഖ്താര്‍ അബ്ബാസ് നഖ്വി

മുംബൈ: ദേശീയഗീതമായ 'വന്ദേമാതരം' ആലപിക്കാത്തവര്‍ ദേശവിരുദ്ധരല്ലെന്ന് കേന്ദ്രമന്ത്രി മുഖ്താര്‍ അബ്ബാസ് നഖ്വി പറഞ്ഞു. 'വന്ദേമാതരം' പാടുന്നത് ഒരാളുടെ വ്യക്തി സ്വാതന്ത്ര്യമാണ്. ആരെയും നിര്‍ബന്ധിച്ച് പാടിക്കാനാവില്ല. എന്നാല്‍ വന്ദേമാതരത്തെ മനഃപൂര്‍വം എതിര്‍ക്കുന്നത് ശരിയല്ലെന്നും നഖ്വി പറഞ്ഞു.

രാജ്യത്തെ പൗരന്മാര്‍ എല്ലാവരും വന്ദേമാതരം നിര്‍ബന്ധമായി ആലപിക്കണമെന്ന മഹാരാഷ്ട്ര മന്ത്രിയും ബിജെപി നേതാവുമായ ചന്ദ്രകാന്ത് പാട്ടീലിന്റെച പ്രസ്താവനയോട് പ്രതികരിക്കുകയായിരുന്നു കേന്ദ്രമന്ത്രി. വന്ദേമാതരം ഇഷ്ടമുള്ളവര്‍ക്ക് ആലപിക്കാം, അല്ലാത്തവര്‍ പാടേണ്ടതില്ല. അതുകൊണ്ട് അവര്‍ ദേശവിരുദ്ധരൊന്നും ആവുന്നില്ലെന്നും നഖ്വി കൂട്ടിച്ചേര്‍ത്തു.

തമിഴ്‌നാട്ടിലെ വിദ്യാഭ്യാസ സ്ഥാപനങ്ങളില്‍ വന്ദേമാതരം ആലാപനം നിര്‍ബന്ധമാക്കിയ ഹൈക്കോടതി ഉത്തരവിന്റെതചുവടുപിടിച്ച് മഹാരാഷ്ട്രയിലും ഇതു നടപ്പാക്കണമെന്ന ആവശ്യവുമായി ബിജെപി എംഎല്‍എ രാജ് പുരോഹിത് രംഗത്തെത്തിയിരുന്നു.