മുത്തലാഖ് നിരോധിച്ച സുപ്രീംകോടതി വിധി സ്വാഗതാര്‍ഹമെന്ന് രാഹുല്‍ ഗാന്ധി

ന്യൂഡല്‍ഹി: മുത്തലാഖ് നിരോധിച്ച സുപ്രീംകോടതി വിധി സ്വാഗതാര്‍ഹമെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. നീതിക്കു വേണ്ടി പോരാടിയ സ്ത്രീകളെ അഭിനന്ദിക്കുന്നുവെന്നും രാഹുല്‍ മാധ്യമങ്ങളോട് പറഞ്ഞു.

വ്യക്തിനിയമം സംരക്ഷിച്ചു കൊണ്ട് മുത്തലാഖ് നിരോധിച്ച കോടതിവിധി സ്വാഗതം ചെയ്യുന്നുവെന്ന് കോണ്‍ഗ്രസ് നേതാവും അഭിഭാകനുമായ കപില്‍ സിബല്‍ പ്രതികരിച്ചു.

മുത്തലാഖ് കേസില്‍ സുപ്രീംകോടതി സുപ്രധാന വിധി പുറപ്പെടുവിച്ചതിന് പിന്നില്‍ നിയമപോരാട്ടം നടത്തിയത് അഞ്ച് സ്ത്രീകളാണ്. ഷെയറാ ബാനു, ഇശ്രത് ജഹാന്‍, ഗുല്‍ഷന്‍ പര്‍വീന്‍, അഫ്രീന്‍ റഹ്മാന്‍, ആതിയ സബ്രി, മുസ്ലിം സ്ത്രീ സംഘടനയായ ഭാരതീയ മുസ്ലിം മഹിളാ ആന്ദോളന്‍ എന്നിവരാണ് ഇസ്ലാമിലെ സ്ത്രീകളുടെ അവകാശങ്ങള്‍ക്കായി മുന്നോട്ട് വന്നത്.