മാങ്ങാനത്ത് തലയറുത്ത് മാറ്റികൊലപാതകം:പ്രതികളെന്നു സംശയിക്കുന്നവര്‍ കസ്റ്റഡിയില്‍

കോട്ടയം: മാങ്ങാനത്ത് വെട്ടിനുറുക്കി ചാക്കില്‍ നിലയില്‍ കണ്ടെത്തിയ മൃതദേഹം തിരിച്ചറിഞ്ഞു. പയ്യപ്പാടി മലകുന്നം സ്വദേശി സന്തോഷ് (40) ആണ് കൊല്ലപ്പെട്ടത്. കമ്മല്‍ വിനോദ് എന്ന കുപ്രസിദ്ധ ഗുണ്ടയാണ് കൊല നടത്തിയതെന്ന നിഗമനത്തില്‍ വിനോദിനെയും ഭാര്യ കുഞ്ഞുമോളെയും പൊലീസ് കസ്റ്റഡിയിലെടുത്തിട്ടുണ്ട്. സന്തോഷിനെ വിളിച്ചുവരുത്തി കൊലപ്പെടുത്തുകയായിരുന്നുവെന്നാണ് പൊലീസിന്റെ നിഗമനം. ഈ മാസം 23ന് രാത്രിയാണ് കൊലപാതകം നടന്നതെന്ന് പൊലീസ് വൃത്തങ്ങള്‍ അറിയിച്ചു. വിനോദിന്റെ ഭാര്യയില്‍ നിന്നാണ് നിര്‍ണായക തെളിവുകള്‍ ലഭിച്ചത്. വിനോദിനെയും ഭാര്യയെയും രണ്ട് മുറിയില്‍ നിര്‍ത്തി നടത്തിയ ചോദ്യം ചെയ്യലിലാണ് കൊല നടത്തിയത് സംബന്ധിച്ച തെളിവ് ലഭിച്ചത്.