കേന്ദ്രമന്ത്രി സഭ പുനസംഘടന:രാജീവ് പ്രതാപ് റൂഡി മന്ത്രിസഭയില്‍ നിന്നു രാജിവെച്ചു: കേന്ദ്ര മന്ത്രി ഉടന്‍ പുനസംഘടിപ്പിക്കാനിരിക്കെ കേന്ദ്രമന്ത്രി സഭയില്‍ നിന്ന് രാജീവ് പ്രതാപ് റൂഡി രാജിവെച്ചു

ന്യൂഡല്‍ഹി: രാജീവ് പ്രതാപ് റൂഡി കേന്ദ്രമന്ത്രിസഭയില്‍നിന്നു രാജിവച്ചു. അടുത്ത ദിവസങ്ങളിലായി നടക്കാനിരിക്കുന്ന മന്ത്രിസഭാ വികസനത്തിനു മുന്നോടിയായാണ് രാജി. ബ്രിക്‌സ് ഉച്ചകോടിയില്‍ പങ്കെടുക്കാന്‍ ഞായറാഴ്ച പ്രധാനമന്ത്രി നരേന്ദ്ര മോദി ചൈനയിലേക്കു പോകുന്നതിനു മുന്പായി പുനഃസംഘടനയുണ്ടായേക്കും.

മന്ത്രിസഭയില്‍നിന്നു കൂടുതല്‍ രാജിയുണ്ടാകുമെന്ന് പാര്‍ട്ടിയോട് അടുത്ത വൃത്തങ്ങള്‍ സൂചന നല്‍കി. പ്രതിരോധ വകുപ്പിന്റെര അധിക ചുമതലകൂടി വഹിക്കുന്ന ധനമന്ത്രി അരുണ്‍ ജയ്റ്റ്‌ലിയില്‍നിന്ന് ഒരു വകുപ്പ് എടുത്തുമാറ്റും. തുടര്‍ച്ചയായ അപകടങ്ങളുടെ പശ്ചാത്തലത്തില്‍ റെയില്‍ മന്ത്രാലയത്തില്‍നിന്നു സുരേഷ് പ്രഭു തെറിക്കാനും സാധ്യതയുണ്ട്.

പാര്‍ട്ടി സംഘാടനത്തില്‍ ശ്രദ്ധ കേന്ദ്രീകരിക്കാനാണ് റൂഡിയുടെ തീരുമാനമെന്നാണു സൂചന. പുനഃസംഘടനയ്ക്കു മുന്നോടിയായി ബിജെപി അധ്യക്ഷന്‍ അമിത് ഷാ കേന്ദ്രമന്ത്രിമാരുമായും പാര്‍ട്ടി നേതാക്കളുമായും കഴിഞ്ഞ ദിവസങ്ങളില്‍ ചര്‍ച്ച നടത്തിയിരുന്നു. ജെഡിയു, എഡിഎംകെ പാര്‍ട്ടികള്‍ക്കു മന്ത്രിസഭയില്‍ പ്രാതിനിത്യം നല്‍കിയേക്കുമെന്നും റിപ്പോര്‍ട്ടുകളുണ്ട്