സംസ്ഥാനത്ത് കനത്തമഴ:കോട്ടയത്ത് ചിങ്ങവനത്ത് റെയില്‍ പാളത്തിലേക്ക് മണ്ണിടിഞ്ഞു വീണു:ജാഗ്രതാ നിര്‍ദ്ദേശം

സംസ്ഥാനത്ത് കനത്തമഴ തുടരുകയാണ്.ഇന്നലെ വൈകുന്നേരത്തോടെയാണ് സംസ്ഥാനത്ത് കനത്തമഴ ആരംഭിച്ചത്.മലയോര-തീരദേശ മേഖലയിലേക്ക് യാത്ര ചെയ്യുന്നവര്‍ക്ക് ജാഗ്രതാ നിര്‍ദ്ദേശം നല്‍കിയിട്ടുണ്ട്.ഇടിയോടു കൂടിയ മഴയാണ് ലഭിക്കുന്നത്.ഈ മാസം 21 വരെ മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചു. കനത്തമഴമൂലം സംസ്ഥാന്ത് മലയോര മേഖലയില്‍ പലയിടങ്ങളിലും ഉരുള്‍പൊട്ടിയിട്ടുണ്ട്.കൂടാതെ മണ്ണിടിഞ്ഞ് ഗതാഗതതടസവും ഉണ്ടായി.കൃഷിയ്ക്ക് വ്യാപകമായ തോതില്‍ നാശമുണ്ടായിട്ടുണ്ട്.

ബംഗാള്‍ ഉള്‍ക്കടലിലും അറബിക്കടലിലും ശക്തമായ മേഘ സാനിധ്യമുള്ളതിനാല്‍ സംസ്ഥാന കാലവര്‍ഷം ശക്തമാകും.ഇത്തവണ ഇടവപ്പാതിയുടെ തുടക്കത്തില്‍ വളരെ മോശം മഴയാണ് സംസ്ഥാനത്ത് ലഭിച്ചത്.എല്‍ നിനോയുടെ സാനിധ്യം മൂലം കഴിഞ്ഞവര്‍ഷവും ദുര്‍ബ്ബലമായ മഴയായിരുന്നു കേരളത്തില്‍ ലഭിച്ചത്.അതുമൂലം കടുത്ത വരള്‍ച്ചയും സംസ്ഥാനത്ത് അനുഭവപ്പെട്ടിരുന്നു.ഈ വര്‍ഷം മഴ ശക്തമാകുമെന്നുള്ള സൂചനകളുണ്ടായിരുന്നെങ്കിലും ഇപ്പോഴാണ് കാലവര്‍ഷം ശക്തി പ്രാപിക്കുന്നത്.

ഹോസ്ദുര്‍ഗ്, കുഡ്ലു, തലശേരി, ചാലക്കുടി, എറണാകുളം, പെരുമ്പാവൂര്‍, കോട്ടയം, വൈക്കം എന്നിവിടങ്ങളില്‍ മൂന്നു സെന്റിമീറ്റര്‍ വീതം മഴയാണു പെയ്തത്. സംസ്ഥാനത്തെ മറ്റ് 36 കേന്ദ്രങ്ങളില്‍ ഒന്നു മുതല്‍ രണ്ടു വരെ സെന്റിമീറ്റര്‍ മഴ പെയ്തു.