ഭാരമില്ലാത്ത ലോകത്തേയ്ക്ക് ഇമാന്‍ യാത്രയായി

അഞ്ഞൂറു കിലോ ഭാരം താങ്ങാനാവാതെ ഈജിപ്റ്റില്‍ നിന്ന് ആദ്യം മുംബൈയിലേയ്ക്കും പിന്നീട് അബുദബിയിലേക്കും ചികില്‍സിക്കാനെത്തിയ ഇമാന്‍ അഹമ്മദ് മരണത്തിനു കീഴടങ്ങി.ലാകത്തിലെ ഏറ്റവും ഭാരം കൂടിയ വനിതയെന്നറിയപ്പെട്ട ഇമാന്‍ തിങ്കളാഴ്ച വെളുപ്പിനെ അബുദബിയിവെ സ്വകാര്യ ആശുപത്രിയില്‍ വെച്ചാണ് മരിച്ചത്.കിഡ്‌നിയുടെ പ്രവര്‍ത്തനം നിലച്ചതും മറ്റ് ആന്തരീകാവയവങ്ങളുടെ പ്രവര്‍ത്തനം അവതാളത്തിലായതുമാണ് മരണകാരണമെന്ന് ആശുപത്രി അധികൃതര്‍ അറിയിച്ചു.20 പേരടങ്ങുന്ന മെഡിക്കല്‍ സംഘമാണ് ഇമാന് ശരീര ഭാരം കുറയ്ക്കാനുള്ള ചികില്‍സ നല്‍കിയിരുന്നു.ചികില്‍സയെ തുടര്‍ന്ന് കഴിഞ്ഞ 25 കൊല്ലമായി ബെഡ്ഡില്‍ തന്നെ കഴിഞ്ഞിരുന്ന ഇമാന് ശരീര ഭാരം 17 ആയി കുറഞ്ഞിരുന്നു.എന്നാല്‍ ഇമാന്‍ വളരെ പെട്ടന്ന് മരണത്തിനു കീഴടങ്ങിയത് ആശുപത്രി അധികൃതരെ ഏറെ ദുഖത്തിലാഴ്ത്തി.

അഞ്ഞൂറുകിലോ ഭാരവുമായി മാസങ്ങള്‍ക്കു മുന്‍പാണ് ഈജിപ്റ്റില്‍ നിന്ന് ചികില്‍സ തേടി ഇമാന്‍ മുംബൈയിലെത്തിയത്.വളരെ ചെറുപ്പത്തിലേ ഉണ്ടായ പക്ഷാഘാതത്തെ തുടര്‍ന്നാണ് ഇമാന്‍ കിടപ്പിലാകുന്നതും,ശരീര ഭാരം കണക്കില്ലാതെ വര്‍ദ്ധിക്കുന്നതും.മുംബൈയിലെത്തിക്കുമ്പോള്‍ ഇമാന് ശരീരത്തിന്റെ ഒരു ഭാഗം പോലും ചലിക്കാത്ത അവസ്ഥയിലായിരുന്നു.തുടര്‍ന്ന് ഇമാനെ ആശുപത്രിയില്‍ ചികില്‍സിച്ച് ശരീര ഭാരം കുറച്ചെന്ന് ആശുപത്രി അധികൃതര്‍ അവകാശപ്പെട്ടെങ്കിലും തട്ടിപ്പാണെന്ന് ഇമാന്റെ സഹോദരി ഷൈമ ആരോപിച്ചു.തുടര്‍ന്നാണ് ഇമാനെ അബുദാബിയിലെ ആശുപത്രിയില്‍ ചികില്‍സയ്ക്കായി കൊണ്ടു പോയത്.എന്നാല്‍ ചികില്‍സയ്ക്ക് ഫലം കണ്ടു തുടങ്ങിയപ്പോഴേയ്ക്കും ഇമാന്‍ മരണത്തിനു കീഴ്‌പ്പെടുകയായിരുന്നു, കഴിഞ്ഞ ഫെബ്രുവരിയിലാണ് ഇമാന്‍ ചികില്‍സയ്ക്കായി ഇന്‍ഡ്യയിലെത്തുന്നത്.അന്നുമുതല്‍ ഇമാന്‍ ശ്രദ്ധാകേന്ദ്രമായിരുന്നു.