അറസ്റ്റിനു സാധ്യതതയില്ല,കാവ്യയുടെ മുന്‍കൂര്‍ ജാമ്യാപേക്ഷ തീര്‍പ്പാക്കി:നാദിര്‍ഷയുടെ അപേക്ഷ ഒക്‌ടോബര്‍ നാലിന് പരിഗണിക്കും

നടിയെ ആക്രമിച്ച കേസില്‍ കാവ്യാ മാധവന്റെ മുന്‍കൂര്‍ ജാമ്യാപേക്ഷ തീര്‍പ്പാക്കി ഹൈക്കോടതി.കാവ്യ കേസില്‍ പ്രതിയല്ലെന്ന് പൊലീസ് അറിയിച്ചതിനെ തുടര്‍ന്നാണ് കാവ്യയുടെ മുന്‍കൂര്‍ ജാമ്യാപേക്ഷ തീര്‍പ്പാക്കിയിരിക്കുന്നത്.എന്നാല്‍ നടനും സംവിധായകനുമായ നാദിര്‍ഷായുടെ ജാമ്യാപേക്ഷയിന്‍മേല്‍ ഒക്‌ടോബര്‍ നാലിന് വിധി പറയും.

ഈ കേസുമായി ബന്ധപ്പെട്ട് ജയിലില്‍ കഴിയുന്ന നടനും തന്റെ സുഹൃത്തുമായ ദിലീപിനെതിരെ മൊഴ#ി നല്‍കാന്‍ അന്വേഷണ സംഘത്തിന്റെ ഭാഗത്തു നിന്ന് സമ്മര്‍ദ്ദമുണ്ടെന്ന് ചൂണ്ടിക്കാട്ടിയാണ് നാദിര്‍ഷാ മുന്‍കൂര്‍ ജാമ്യാപേക്ഷയുമായി ഹൈക്കോടതിയെ സമീപിച്ചത്.ദിലീപിന്റെ ഭാര്യയായ തനിക്ക് അന്വേഷണ സംഘത്തിന്റെ ഭീഷണിയുണ്ടെന്ന് കാണിച്ചാണ് കാവ്യ മുന്‍കൂര്‍ ജാമ്യാപേക്ഷയുമായി കോടതിയില്‍ എത്തിയത്.എന്നാല്‍ ഇരുവരെയും പ്രതിചേര്‍ക്കേണ്ട സാഹചര്യമില്ലെന്ന് പൊലീസ് കോടതിയെ അറിയിച്ചിരുന്നു.