മാധ്യമപ്രവര്‍ത്തകരുടെ ഗുരുദേവനിന്ദയും ജാതീയപരാമര്‍ശവും; മുതിര്‍ന്ന ലേഖകന്‍ കെയുഡബ്ലിയുജെയില്‍ നിന്നും രാജിവെച്ചു

മാധ്യമപ്രവര്‍ത്തകര്‍ ശ്രീനാരായണ ഗുരുദേവനെ നിന്ദിച്ചുവെന്നാരോപിച്ച് മലയാള മനോരമയുടെ മുതിര്‍ന്ന ഡല്‍ഹി ലേഖകന്‍ കേരള പത്രപ്രവര്‍ത്തക യൂണിയനില്‍ (കെയുഡബ്ലിയുജെ) നിന്നും രാജി വെച്ചു.മാതൃഭൂമി ലേഖകനും കെയുഡബ്ല്യൂജെ ഡല്‍ഹി ഘടകം സെക്രട്ടറിയുമായ പി.കെ മണികണ്ഠന്‍ ഉള്‍പ്പടെയുള്ളവര്‍ക്കെതിരെ ആരോപണമുന്നയിച്ചാണ് മനോരമയുടെ ഏറ്റവും മുതിര്‍ന്ന ലേഖകരില്‍ ഒരാളായ വി വി ബിനു ശനിയാഴ്ച യൂണിയനില്‍ നിന്നും രാജിവെച്ചിരിക്കുന്നത്. കെയുഡബ്ല്യൂജെ ഡല്‍ഹി യൂണിയന്‍ ഘടകത്തിന് കേരള സര്‍ക്കാര്‍ അനുവദിച്ച ഫണ്ട് ദുര്‍വിനിയോഗം സംബന്ധിച്ച കാര്യത്തിലെ വാട്‌സ് ആപ് ഗ്രൂപ്പിലെ ചര്‍ച്ചയെ തുടര്‍ന്നാണ് സംഭവം.

വിവി ബിനു കെയുഡബ്ലിയുജെ ഡല്‍ഹി ഘടകം പ്രസിഡന്റിനയച്ച രാജിക്കത്തിന്റെ പൂര്‍ണരൂപം

സുഹൃത്തെ,

കെയുഡബ്ലിയുജെ ഡല്‍ഹി ഘടകത്തിന്റെ ഔദ്യോഗിക വാട്‌സ് ആപ് ഗ്രൂപ്പില്‍ ഞാന്‍ ചര്‍ച്ചകളില്‍ ഇടപെടുമ്പോള്‍ സെക്രട്ടറി പി.കെ മണികണ്ഠന്‍ ഉള്‍പ്പടെയുള്ളവര്‍ ജാതീയചുവയോടെ ഗുരുദേവനിന്ദ നടത്തുന്ന പരിഹാസ പരാമര്‍ങ്ങള്‍ പതിവാക്കിയിട്ടുണ്ട്

. കെയുഡബ്ല്യൂജെ ഡല്‍ഹി യൂണിയന്‍ ഘടകത്തിനുസംസ്ഥാന സര്‍ക്കാര്‍ അനുവദിച്ച ഫണ്ട് ദുര്‍വിനിയോഗം സംബന്ധിച്ചു സംസ്ഥാന ഘടകത്തിനും ജില്ലാ ഘടകത്തിനും നല്‍കിയ നിവേദനത്തില്‍ ഞാനും ഒപ്പു വെച്ചിരുന്നത് താങ്കള്‍ക്ക് അറിവുള്ളതാണല്ലോ.ക്രമക്കേട് ചൂണ്ടിക്കാണിക്കുന്നവരേ ആക്ഷേപിക്കുന്ന തരത്തില്‍ നിരന്തരം ജാതീയ പരാമര്‍ശങ്ങള്‍ ഉണ്ടായത് പ്രബുദ്ധരെന്ന് കരുതപ്പെടുന്ന പത്രപ്രവര്‍ത്തക സമൂഹത്തിന് യോജിച്ചതാണോ?്യൂഞാന്‍ യൂണിയനില്‍ തുടരുന്നത് ഭാരവാഹികള്‍ ഉള്‍പ്പടെയുള്ളവരുടെ ഗുരുനിന്ദ തുടരാന്‍ ഇടയാകുമെന്നതിനാല്‍ അംഗത്വം രാജിവെയ്ക്കുന്നതായി അറിയിക്കുന്നു

അഭിവാദ്യങ്ങളോടെ,

വി.വി ബിനു

ന്യൂഡല്‍ഹി

30/09/17