ദുരൂഹ സാഹചര്യത്തില്‍ പരിക്കേറ്റ മന്ത്രി എംഎം മണിയുടെ സഹോദരന്‍ അന്തരിച്ചു

ദുരുഹ സാഹചര്യയത്തില്‍ തലയ്ക്ക് ഗുരുതരമായി പരിക്കേറ്റ് ചികില്‍സയില്‍ കഴിയുകയായിരുന്ന മന്ത്രി എംഎം മണിയുടെ സഹോദരന്‍ സനകന്‍(56)അന്തരിച്ചു.കോട്ടയം മെഡിക്കല്‍ കൊളേജില്‍ ചികില്‍സയിലായിരുന്ന സനകന്‍ ഇന്ന് പുലര്‍ച്ചെ മൂന്നിനാണ് അന്തരിച്ചത്.മൃതദേഹം മോര്‍ച്ചറിയില്‍ സൂക്ഷിച്ചിരിക്കുകയാണ്.നേരത്തേ മന്ത്രി എംഎം മണി ആശുപത്രിയിലെത്തി സഹോദരനെ സന്ദര്‍ശിച്ചിരുന്നു.

രണ്ടു ദിവസം മുന്‍പ് രണ്ടാം മൈലില്‍ കുഞ്ചിത്തണ്ണിയിലേക്കു വരും വഴി സനകനും ഭാര്യയും അവിടെയൊരു ചായക്കടയില്‍ കയറിയിരുന്നു.തുടര്‍ന്ന് ചായക്കടയില്‍ നിന്ന് പുറത്തിറങ്ങിയ സനകനെ കാണാതായി.തിരച്ചില്‍ നടത്തിയെങ്കിലും കണ്ടെത്താനായില്ല.

പിന്നീട് ശനിയാഴ്ച രാത്രി വെള്ളത്തൂവലിന് സമീപം അബോധാവസ്ഥയില്‍ സനകനെ കണ്ടെത്തുകയായിരുന്നു.തുടര്‍ന്ന് പൊലീസെത്തി അടിമാലി താലൂക്കാശുപത്രിയില്‍ പ്രവേശിപ്പിച്ചു.പിന്നീട് വിധഗ്ധ ചികില്‍സയ്ക്കായി കോട്ടയം മെഡിക്കല്‍ കൊളേജിലെത്തിച്ചെങ്കിലും ജീവന്‍ രക്ഷിക്കാനായില്ല