വന്‍കിട ചരക്കു വാഹനഗതാഗതം രണ്ടു ദിവസം പൂര്‍ണമായും നിലയ്ക്കും;സമരം ഇന്ധന വിലവര്‍ദ്ധനവിനും ജിഎസ് ടിയ്ക്കുമെതിരെ

വന്‍കിട ചരക്കു വാഹന ഉടമകളുടെ യൂണിയനായ ഓള്‍ ഇന്‍ഡ്യാ മോട്ടോര്‍ ട്രാന്‍സ്‌പോര്‍ട് കോണ്‍ഗ്രസ് നടത്തുന്ന വാഹന പണിമുടക്കില്‍ രണ്ടു ദിവസം രാജ്യത്തേ ചരക്കു നീക്കം പൂര്‍ണമായും സ്തംഭിക്കും.വര്‍ദ്ധിച്ച ഇന്ധന വിലയ്ക്കും ജിഎസ്ടി മൂലമുള്ള പ്രശ്‌നങ്ങള്‍,വര്‍ദ്ധിച്ച ഇന്‍ഷുറന്‍സ് എന്നിവയ്‌ക്കെതിരേയാണ് സമരം.രാവിലെയാണ് സമരമാരംഭിച്ചത്.പണിമുടക്കിന് വലിയ പിന്തുണയാണ് ലഭിക്കുന്നതെന്ന് സംഘടന അറിയിച്ചു.

സംഘടനയുടെ കീഴില്‍ 93 ലക്ഷം ട്രക്കുകളും 50 ലക്ഷം ബസുകളുമാണുള്ളത്.പണിമുടക്ക് അവശ്യ സാധനങ്ങളുടെ വിലവര്‍ദ്ധനയ്ക്ക് ഇടയാക്കിയേക്കും.ഓള്‍ ഇന്‍ഡ്യാ മോട്ടോര്‍ ട്രാന്‍സ്‌പോര്‍ടേഴ്‌സ് വെല്‍ഫെയര്‍ അസോസിയേഷനും പണിമുടക്കിന് പിന്തുണ അറിയിച്ചിട്ടുണ്ട്.രണ്ടു ദിവസം സൂചനാ പണിമുടക്കാണ് പ്രഖ്യാപിച്ചിരിക്കുന്നത്.കേന്ദ്ര സര്‍ക്കാരിന്റെ ഭാഗത്തു നിന്ന് ഇവരുടെ ആവശ്യങ്ങള്‍ക്ക് നടപടിയുണ്ടായില്ലെങ്കില്‍ ദീപാവലിയ്ക്കു ശേഷം അനിശ്ചിത കാല പണിമുടക്കിനാണ് ആഹ്വാനം ചെയ്തിരിക്കുന്നത്‌