സോളാര്‍ വിഷയത്തില്‍ നേതാക്കള്‍ക്ക് ഹൈക്കമാന്‍ഡിന്റെ മുന്നറിയിപ്പ് ‘പരസ്യമായി പ്രതികരിക്കരുത്

തിരുവനന്തപുരം:സോളാര്‍ കമ്മീഷന്‍ റിപ്പോര്‍ട്ടില്‍ പരസ്യ പ്രതികരണം പാടില്ലെന്ന് കേരളത്തിലെ കോണ്‍ഗ്രസ് നേതാക്കളോട് ഹൈക്കമാന്‍ഡിന്റെ നിര്‍ദ്ദേശം.കമ്മീഷന്‍ റിപ്പോര്‍ട് പൂര്‍ണമായും പുറത്തു വന്നശേഷം മാത്രമേ പരസ്യമായി പ്രതികരിക്കാവൂ.സോളാര്‍ കമ്മീഷന്‍ റിപ്പോര്‍ട്ടിനെ കുറിച്ച് സംസാരിക്കാന്‍ മുതിര്‍ന്ന നേതാക്കളോട് ഡല്‍ഹിയിലെത്താന്‍ ഹൈക്കമാന്‍ഡ് ആവശ്യപ്പെട്ടിട്ടുണ്ട്

ഉമ്മന്‍ചാണ്ടിയെ പാര്‍ട്ടി ഉപാധ്യക്ഷന്‍ രാഹുല്‍ ഗാന്ധി ഡല്‍ഹിയിലേക്ക് വിളിപ്പിച്ചിട്ടുണ്ട്.ഇതോടെ സംസ്ഥാനത്ത് ഉമ്മന്‍ചാണ്ടി പങ്കെടുക്കേണ്ട പരിപാടികള്‍ തല്‍ക്കാലം റദ്ദ് ചെയ്യുകയോ മാറ്റി വെക്കുകയോ ചെയ്തിട്ടുണ്ട്.ഡല്‍ഹിയിലെത്തിയ രമേശ് ചെന്നിത്തല ഏകെ ആന്റണിയുമായി ചര്‍ച്ച നടത്തി.ഇവരെ കൂടാതെ എംഎം ഹസന്‍,വിഡീ സതീശന്‍ എന്നിവരെയും ഡല്‍ഹിയിലേക്ക് വിളിപ്പിച്ചിട്ടുണ്ട്‌