ശബരമില സ്ത്രീ പ്രവേശനം:ഭരണഘടനാ ബെഞ്ചിനു വിട്ടു

പ്രായഭേദമെന്യേ ശബരമലയില്‍ സ്ത്രീകളെ പ്രവേശിപ്പക്കണമെന്ന ഹര്‍ജി സുപ്രീം കോടതി ഭരണഘടനാ ബഞ്ചിനു വിട്ടു.അഞ്ചംഗ ഭരണഘടനാ ബെഞ്ചാകും ഹര്‍ജി പരിഗണിക്കുക.സ്ത്രീകളുടെ മൗലീകാവകാശം ലംഘിക്കുന്നുണ്ടോയെന്നും ക്ഷേത്രപ്രവേശന നിയമത്തിലെ വകുപ്പുകളും പരിശോധിച്ചാകും ബഞ്ച് തീരുമാനമെടുക്കുക.സുപ്രീം കോടതി ചീഫ് ജസ്റ്റിസ് അധ്യക്ഷനായ ബഞ്ചാണ് ഹര്‍ജി പരിഗണിക്കുന്നത് ഭരണഘടനാ ബെഞ്ചിനു വിട്ടത്.

പത്തിനും അന്‍പതിനുമിടയിലുള്ള സ്ത്രീകളെ ശബരമിലയില്‍ പ്രവേശിപ്പിക്കണമെന്നാവശ്യപ്പെട്ടുള്ള ഹര്‍ജിയാണ് ഭരണഘടനാ ബഞ്ചിനു വിട്ടത്. ഈ പ്രായത്തിലുള്ള സ്ത്രീകളെ ശബരമിലയില്‍ പ്രവേശിപ്പിക്കാതിരിക്കുന്നത് ഭരണഘടനാപരമായി സ്ത്രീകളുടെ അവകാശലംഘനമാണോ,ഏതെങ്കിലും തരത്തില്‍ മൗലീകാവശങ്ങള്‍ ലംഘിക്കുന്നുണ്ടോ,വിഷയത്തില്‍ ലിംഗവിവേചനമുണ്ടോ തുടങ്ങീ ഭരണഘടനയുമായി ബന്ധപ്പെട്ട വിഷയങ്ങളും കൂടാതെ ശബരിമലയില്‍ നൂറ്റാണ്ടുകളായി പിന്‍തുടരുന്ന ആചാരാനുഷ്ഠാനങ്ങളും വിശ്വാസങ്ങളും ആചാരങ്ങളും ഇതുമായി ബന്ധപ്പെട്ട് പരിശോധിക്കേണ്ടതിനാലാണ് വിഷയം ഭരണഘടനാ ബഞ്ചിനു വിട്ടത്.കഴിഞ്ഞ വര്‍ഷം ശബരിമല സ്ത്രീപ്രവേശന വിഷയം പരിഗണിച്ചപ്പോഴൊക്കെ ഇത് ഭരണഘടനാ ബെഞ്ചിനു വിടുന്ന കാര്യം പരിഗണിക്കുമെന്ന് കോടതി പറഞ്ഞിരുന്നു.കൂടാതെ വിഷയം ഭരണഘടനാ ബെഞ്ചിലേക്കു വിടുകയാണെങ്കില്‍ വിശദമായി വിധിന്യായം എഴുതിയാകും എന്ന് കോടതി വിശദീകരിക്കുകയുണ്ടായി.

ശബരിമല സന്നിധാനത്ത് എല്ലാ വിഭാഗം സ്ത്രീകളെയും പ്രവേശിപ്പിക്കണമെന്ന് ആവശ്യപ്പെട്ട് ഇന്ത്യന്‍ യംഗ് ലോയേഴ്‌സ് അസോസിയേഷന്‍ നല്‍കിയ ഹര്‍ജിയിലാണ് സുപ്രീംകോടതി വിധി പറയുക. കേസില്‍ ദേവസ്വം ബോര്‍ഡിന്റെടയും സംസ്ഥാന സര്‍ക്കാരിന്റെവയും വിവിധ സംഘടനകളുടെയും ഭാഗം കോടതി പരിശോധിച്ചിരുന്നു