ഖത്തറിന്റെ ജിസിസി അംഗത്വം താല്‍ക്കാലികമായി റദ്ദു ചെയ്‌തേക്കും

മനാമ:ജിസിസി അംഗരാജ്യങ്ങളായ യുഎഇ,സൗദി അറേബ്യ ,ബഹ്‌റൈന്‍ എന്നിവര്‍ ഖത്തറുമായുള്ള നയതന്ത്ര ബന്ധം പൂര്‍ണമായി വിച്ഛേദിച്ചിട്ട് നാലരമാസം തികയവേ ഖത്തറിന്റെ ജിസിസി അംഗത്വം എടുത്തുകളയാന്‍ ബഹ്‌റൈന്‍ വിദേശകാര്യ മന്ത്രാലയുംശുപാര്‍ശ ചെയ്തു.അറബ്-ഗള്‍ഫ് മേഖലകളില്‍ കടുത്ത പ്രതിസന്ധി സൃഷ്ടിച്ച ഖത്തര്‍ ഉപരോധത്തിനു തൊട്ടുപിന്നാലെയാണ് ഗള്‍ഫ് ഹൗസ് എന്നറിയപ്പെടുന്ന ജിസിസി സംവിധാനത്തില്‍ നിന്ന് ഖത്തറിന്റെ അംഗത്വം തന്നെ എടുത്തുകളയാനുള്ള ആവശ്യം ബഹ്‌റൈന്‍ ഉന്നയിച്ചിരിക്കുന്നത്

.ആഗോള ഭീകരവാദത്തിന് വളരാന് ഖത്തര്‍ കൈയ്യയച്ചു സഹായം ചെയ്യുന്നു ,ഇറാനുമായുള്ള ഖത്തറിന്റെ കൂട്ടുകെട്ട്,2014 ല്‍ ജിസിസി അംഗരാഷ്ട്രങ്ങള്‍ ചേര്‍ന്നുണ്ടാക്കിയെടുത്ത കരാറിലെ നിയമലംഘനങ്ങള്‍ തുടങ്ങീ നിരവധി കാര്യങ്ങള്‍ ഉന്നയിച്ചാണ് ഖത്തറിന് ഉപരോധം പ്രഖ്യാപിച്ചത്.എന്നാല്‍ ഇവരുടെ ആവശ്യങ്ങള്‍ ഉന്നയിക്കാന്‍ ഖത്തര്‍ തയ്യാറായില്ല.തുടര്‍ന്നാണ് ഉപരോധത്തിന് തൊട്ടു പിന്നാലെ ഖത്തറിന്റെ ജിസിസി അംഗത്വം എടുത്തു കളയാന്‍ ബഹ്‌റൈന്‍ ശുപാര്‍ശ ചെയ്തിരിക്കുന്നത്

ഇതോടെ മേഖലയിലുണ്ടായിരിക്കുന്ന പ്രതിസന്ധി കൂടുതല്‍ രൂക്ഷമായേക്കുമെന്നാണ് രാജ്യാന്തര രാഷ്ട്രീയ നിരീക്ഷകരുടെ കണക്കുകൂട്ടല്‍.