വില്യം രാജകുമാരന്റെ മകനും ഐഎസിന്റെ നോട്ടപ്പുള്ളിയെന്ന് സ്ഥിരീകരിക്കാത്ത റിപ്പോര്‍ട്

ലണ്ടന്‍:വില്യം രാജകുമാരന്റെയും കെയ്റ്റ് മിഡില്‍ടണ്ണിന്റെയും നാലുവയസ്സുള്ള മകന്‍ ജോര്‍ജ്ജ് രാജകുമാരനും ഐഎസ് പോരാളികളുടെ നോട്ടപ്പുള്ളിയെന്ന് സൂചന.എന്നാല്‍ ഇതുസംബന്ധിച്ചുള്ള റിപ്പോര്‍ട്ടുകള്‍ക്ക് കൊട്ടാരത്തില്‍ നിന്നോ ബ്രിട്ടീഷ് പാര്‍ലമെന്റില്‍ നിന്നോ സ്ഥിരീകരണമില്ല. കൊച്ചു രാജകുമാരനാണെങ്കിലും ജോര്‍ജ്ജിനെതിരെയുള്ള ഭീഷണി ഐഎസ് സാമൂഹ്യമാധ്യമങ്ങള്‍ വഴി പ്രചരിപ്പിക്കുന്നുണ്ടെന്നാണ് സൂചന.

ടെലിഗ്രാം അക്കൗണ്ടുകളിലാണ് കുഞ്ഞഉ ജോര്‍ജജിനെതിരെ സന്ദേശങ്ങള്‍ പ്രചരിക്കുന്നത്.അറബിയിലാണ് സന്ദേശങ്ങളത്രെയും.ജോര്‍ജ്ജ് രാജകുമാരന്‍ തോമസ് ബട്ടേഴ്‌സി സ്‌കൂളില്‍ യൂണിഫോമിട്ടു നില്‍ക്കുന്ന ചിത്രങ്ങളോടെയാണ് സന്ദേശങ്ങള്‍ പ്രചരിക്കുന്നതെന്ന് ബ്രിട്ടീഷ് രഹസ്യാന്വേഷണ ഏജന്‍സി കണ്ടെത്തിയിട്ടുണ്ട്. നേരത്തേ സ്‌കൂളിലെ സുരക്ഷയെ വെല്ലുവിളിച്ച് ഒരു സ്ത്രീ കുട്ടിയുടെ ചിത്രം എടുത്തിരുന്നു.ഈ സ്ത്രീ പിടിയിലാകുകയും ചെയ്തു .തുടര്‍ന്ന് സ്‌കൂളിന്റെ സുരക്ഷ വര്‍ദ്ധിപ്പിച്ചിരുന്നു.തുടര്‍ന്നാണ് രാജകുമാരന് ഐഎസ് ഭീഷണിയുണ്ടായിരിക്കുന്നത്.ഭീഷണി രാജകുടുംബത്തിനു നേരേയാണെന്നാണ് വിലയിരുത്തല്‍