നസ്‌റിയ സിനിമയിലേക്ക് തിരികയെത്തുന്നു

മലയാളിയുടെ കിളിക്കൊഞ്ചല്‍ നസ്‌റിയ അഭിനയത്തിലേക്ക് തിരിച്ചുവരുന്നി.നടന്‍ ഫഹദ് ഫാസിലുമായുള്ള വിവാഹശേഷം വെള്ളിത്തിരയോട് വിടപറഞ്ഞ നടി അഞ്ജലി മേനോന്‍ സിനിമയിലൂടെയാണ് തിരിച്ചെത്തുന്നത്.പൃഥ്വിരാജും പാര്‍വ്വതിയും അഭിനയിക്കുന്ന ചിത്രത്തിലേക്ക് തിരിച്ചെത്തുന്നുവെന്ന് നസ്‌റിയ തന്നെയാണ് ഫേസ്ബുക്കിലൂടെ ആരാധകരെ അറിയിച്ചിരിക്കുന്നത്

എന്നാല്‍ ചിത്രത്തിന്റെ പേരോ എന്ന് ചിത്രീകരണം തുടങ്ങുമെന്നോ വ്യക്തമാക്കിയിട്ടില്ല.ലിറ്റില്‍ ഫിലിംസ് ഇന്‍ഡ്യയുമായി ചേര്‍ന്ന് രജപുത്ര നിര്‍മ്മിക്കുന്ന ചിത്രത്തിലേക്കാണ് നസ്‌റിയ തിരിച്ചെത്തുന്നത് അഞ്ജലി മേനോന്റെ തന്നെ ബാംഗ്ലൂര്‍ ഡെയ്‌സാണ് നസ്‌റിയ അവസാനം അഭിനയിച്ച ചിത്രം.ഇതില്‍ നസ്‌റിയയും ഫഹദും ജോഡികളായാണ് അഭിനയിച്ചത്.തുടര്‍ന്ന് ഇരുവരുടെയും ഇടയില്‍ മൊട്ടിട്ട പ്രണയം വീട്ടുകാരുടെ ആശീര്‍വ്വാദത്തോടെ വിവാഹത്തിലെത്തുകയായിരുന്നു

പ്രവാസ മലയാളികളായ നസിമുദ്ദീന്‍ ബീഗം ബീന ദമ്പതികളുടെ മകളായി ജനിച്ച നസ്‌റിയ മമ്മൂട്ടി ചിത്രമായ പളുങ്കിലൂടെ ബാലതാരമായിട്ടായിരുന്നു അഭിനയത്തിലേക്കെത്തിയത്.പിന്നീട് ലാലിന്റെ ലീഡ് റോളില്‍ മാഡ് ഡാഡിലൂടെയായിരുന്നു തുടക്കം.2103 ല്‍ നേരം സിനിമയിലൂടെ നിവിന്റെ നായികയായി.തുടര്‍ന്ന് ഓം ശാന്തി ഓശാനയിലും ബാംഗ്ലൂര്‍ ഡെയ്‌സിലും നായകിയായെത്തി.വിവാഹത്തെ തുടര്‍ന്ന് അഭിനയം അവസാനിപ്പിച്ച നസ്‌റിയ വീണ്ടും തിരികെയെത്തുകയാണ്.