ഖത്തര്‍ പങ്കെടുക്കുന്ന ജിസിസി സമ്മേളനങ്ങളില്‍ നിന്നു ബഹ്‌റൈന്‍ വിട്ടു നില്‍ക്കും

മനാമ:നിലപാട് കടുപ്പിച്ച് ബഹ്‌റൈന്‍. ഉപരോധത്തിനു പിന്നാലെ ഖത്തര്‍ പങ്കെടുക്കുന്ന ജിസിസി സമ്മേളനങ്ങളില്‍ നിന്നും വിട്ടു നില്‍ക്കുമെന്ന് വ്യക്തമാക്കി ബഹ്‌റൈന്‍.ഖത്തര്‍ അവരുടെ നിലപാടുകളില്‍ മാറ്റം വരുത്താതെ തുടര്‍ന്നാല്‍ ജിസിസിഅംഗത്വം റദ്ദാക്കണമെന്ന് കൗണ്‍സിലിനോട് ആവശ്യപ്പെട്ട ബഹ്‌റൈന്‍ ,തുടര്‍ന്ന് ഖത്തര്‍ പങ്കെടുക്കുന്ന ജിസിസി മീറ്റിഗുകളില്‍ നിന്ന് വിട്ടു നില്‍ക്കാനാണ് തീരുമാനിച്ചിരിക്കുന്നത് ഖത്തര്‍ അവരുടെ നിലപാട് മയപ്പെടുത്താത്ത പക്ഷം ദൂരവ്യാപകമായ ദുരിതമനുഭവിക്കേണ്ടി വരുമെന്ന് ബഹ്‌റൈന്‍ രാജാവ് ഹമദ് ബിന്‍ ഐസ അല്‍ഖലീഫ വ്യക്തമാക്കി

അടുത്ത ജിസിസി സമ്മേളനം ഡിസംബറില്‍ കുവൈറ്റിലാണ് നടക്കുത്.അതുകൊണ്ടു തന്നെ പ്രശ്‌നങ്ങള്‍ പരിഹരിക്കാന്‍ കുവൈറ്റ് മുന്‍കൈ എടുക്കുന്നുമുണ്ട്.എന്നാല്‍ രാജ്യങ്ങള്‍ വിട്ടുവീഴ്ചകള്‍ക്ക് തയ്യാറാകുന്നില്ല ജിസിസി അംഗങ്ങളായ ബഹ്‌റൈന്‍,സൗദി അറേബ്യ,യുഎഇ തുടങ്ങിയ അറബ് രാജ്യങള്‍ ഇക്കഴിഞ്ഞ ജൂണ്‍ അഞ്ചിനാണ് ഖത്തറിന് നയതന്ത്ര ഉപരോധം ഏര്‍പ്പെടുത്തിയത്

.ഇറാനുമായുള്ള സഹകരണം,ഭീകരവാദത്തിനു പുറമെ നിന്നുള്ള സാമ്പത്തിക സഹായം തുടങ്ങിയ പ്രശ്‌നങ്ങള്‍ ഉള്‍പ്പെടുത്തിയാണ് ഉപരോധം ഏര്‍പ്പെടുത്തിയത്.ഖത്തര്‍ പൗരന്‍മാര്‍ക്ക് ഈരാജ്യങ്ങളിലേക്കുള്ള യാത്രയും പൂര്‍ണമായും നിഷേധിച്ചിട്ടുണ്ട്.എന്നാല്‍ ജിസിസി അംഗരാജ്യങ്ങളായ കുവൈറ്റും ഒമാനും നിലവില്‍ ഖത്തറുമായി നയതന്ത്ര ബന്ധം പുലര്‍ത്തുന്നുണ്ട് അറബ്‌മേഖലയെ അസ്ഥിരപ്പെടുത്തുന്ന തീരുമാനമായാണ് ഖത്തറുമായുള്ള നയതന്ത്ര പ്രശ്‌നത്തെ വിദഗ്ധര്‍ വിലയിരുത്തുന്നത്.