അഡ്വ.സി പി ഉദയഭാനു അറസ്റ്റില്‍

കൊച്ചി:ചാലക്കുടി രാജീവ് വധക്കേസിലെ ഏഴാം പ്രതി അഡ്വ.സി പി ഉദയഭാനു അറസ്റ്റില്‍.തൃപ്പൂണിത്തുറയിലെ സഹോദരന്റെ വീട്ടില്‍ നിന്നാണ് ഉദയഭാനുവിനെ അറസ്റ്റു ചെയ്തത്

ഇന്നലെ ഹൈക്കോടതി മുന്‍കൂര്‍ ജാമ്യം നിഷേധിച്ചതിനെ തുടര്‍ന്ന് ഉദയഭാനു ഒളിവില്‍ പോയിരുന്നു.കീഴടങ്ങാന്‍ സമയം അനുവദിക്കണമെന്ന ഉദയഭാനുവിന്റെ അഭിഭാഷകരുടെ വാദവും കോടതി തള്ളിയിരുന്നു ജാമ്യം നിഷേധിച്ചതിനെ തുടര്‍ന്ന് ചോദ്യം ചെയ്യാനായി കസ്റ്റഡിയിലെടുക്കാന്‍ അഡ്വ.ഉദയഭാനുവിന്റെ വീട്ടിലെത്തിയ പൊലീസിന് പക്ഷെ അദ്ദേഹത്തെ കണ്ടെത്താനായില്ല.തുടര്‍ന്ന് ഉദയഭാനു ഒളിവില്‍ പോയെന്ന് പൊലീസും സ്ഥിരീകരിച്ചു

മുന്‍കൂര്‍ ജാമ്യം പരിഗണിക്കുന്നതിനു മുന്‍പു തന്നെ കൊല്ലപ്പെട്ട രാജീവിന്റെ അമ്മ ഇടക്കാല ജാമ്യം അനുവദിച്ചാല്‍ സമൂഹത്തിലെ ഉന്നതര്‍ ചേര്‍ന്ന് കേസ് തേച്ചുമാച്ചു കളയാന്‍ സാധ്യതയുണ്ടെന്ന് സുപ്രിംകോടതി ചീഫ്ജസ്റ്റിസിനു കത്തയച്ചിരുന്നു.

രാജീവ് കൊല്ലപ്പെടുന്ന ദിവസം കേസിലെ മുഖ്യപ്രതിയായ ചക്കര ജോണിയുമായി ഉദയഭാനു ഫോണില്‍ ബന്ധപ്പെട്ടിരുന്നെന്നും ഇരുവരും ഒരേടവര്‍ ലൊക്കേഷനിലുണ്ടായിരുന്നെന്നും നേരത്തേ അന്വേഷണസംഘം കോടതിയെ അറിയിച്ചിരുന്നു.മാത്രമല്ല രാജീവ് കൊല്ലപ്പെട്ട ഗൂഡാലോചന കേസില്‍ ഉദയഭാനുവിന് നേരിട്ട് പങ്കുള്ളതായി പ്രോസിക്യൂഷന്‍ കോടതിയെ അറിയിച്ചിരുന്നു.