പ്രചരിക്കുന്നത് വ്യാജവാര്‍ത്ത,ഭാവനയുടെ വിവാഹം ഉടന്‍

മലയാളത്തിന്റെ യുവനടിയും തെന്നിന്‍ഡ്യന്‍ താരവുമായ ഭാവനയുടെ വിവാഹം നടക്കില്ലെന്ന പ്രചാരണം തെറ്റാണെന്ന് നടിയോട് അടുത്തവൃത്തങ്ങള്‍.വിവാഹം ഏറ്റവുമടുത്തു തന്നെ നടക്കുമെന്നാണ് റിപ്പോര്‍ട്ടുകള്‍.കന്നഡ നിര്‍മ്മാതാവായ നവീനുമായി നടിയുടെ വിവാഹ നിശ്ചയം കഴിഞ്ഞിട്ട് കുറച്ചുകാലമായി.വിവാഹം ഒക്‌ടോബറില്‍ ഉണ്ടാകുമെന്നും കരുതിയിരുന്നു.എന്നാല്‍ ഒക്‌ടോബറും കഴിഞ്ഞതോടെ നടിയുടെ വിവാഹം നടന്നേക്കില്ലെന്ന പ്രചരണവുമായി ചില മാധ്യമങ്ങള്‍ എത്തിയിരുന്നു.എന്നാല്‍ ഈ വാര്‍ത്ത അടിസ്ഥാന രഹിതമാണെന്നാണ് നടിയോട് അടുത്തവൃത്തങ്ങള്‍ സൂചിപ്പിച്ചത്.

നവീന്‍ ഇപ്പോള്‍ കല്യാണം വേണ്ടെന്നു പറഞ്ഞതായാണ് ഒടുവില്‍ പുറത്തുവന്നത്. ഭാവനയുടെ സിനിമ തിരക്കുകളാണ് വിവാഹം വൈകാന്‍ കാരണമെന്ന് മറ്റ് ചിലര്‍ റിപ്പോര്ട്ട് ചെയ്തു.

നവീന്റെ അമ്മ മരിച്ച് ഒരു വര്ഷംന തികയാന്‍ കാത്തിരുന്നതിനാലാണ് വിവാഹം നീട്ടിവെച്ചത്. അത് വളരെ നേരത്തെ തന്നെ എടുത്ത തീരുമാനമായിരുന്നു. ഇപ്പോള്‍ നവീന്‍ വിവാഹം വേണ്ടെന്നു പറഞ്ഞതായി പ്രചരിക്കുന്ന വാര്ത്തു തികച്ചും അടിസ്ഥാന രഹിതമാണ്. അടുത്ത വര്ഷം ആദ്യത്തോടെ വിവാഹം ഉണ്ടാകും-കുടുംബാംഗം പ്രതികരിച്ചു.

വളരെ സ്വകാര്യമായിട്ടായിരുന്നു ഭാവനയുടെ വിവാഹ നിശ്ചയം നടന്നിരുന്നത്. ചടങ്ങില്‍ മഞ്ജു വാര്യരും ഭാവനയുടെയും നവീന്റെയും അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. കഴിഞ്ഞ അഞ്ച് വര്ഷതമായി ഇരുവരും പ്രണയത്തിലാണ്.